اسلام اباد - په ګلګت بلتستان کې یو مساپر وړونکی بس سیند ته پرېوتی چې پکې سپاره ټول ۲۵ کسان وژل شوي دي.
د ګلګت بلتستان حکومتي ویاند فیض الله فراق مشال راډیو ته وویل، کوسټر بس د مارچ پر نهمه له سکردو څخه په لار وو چې په روندو تحصیل کې د پېښې ښکار شو.
د نوموړي په خبره، پېښه هغه مهال شوې چې ډرېور په موړ تاوېده او د ګاډي کنټرول یې له لاسه ورکړ.
ده وویل، د پاکستان پوځي سرتېرو په سیمه کې مرستندویه چارې ترسره کړې دي.
فراق زیاتوي، په وژلیو کې دوه ماشومان هم دي.
د پاکستان تر واک لاندې په غره ییزه سیمه ګلګت بلتستان کې اکثر ټرافیکي پېښې کېږي.
د ۲۰۱۹ز په سېپټېمبر کې په بابوسر سیمه کې د راولپېنډۍ پر لوري روان مساپر وړونکی بس له غره سره جنګېدلی وو چې پکې ۲۵ کسان وژل شوي او ۱۲ ژوبل ول.
د جرمني خبري اژانس د پاکستان د شماریاتو ادارې په حواله وايي، په هغه هېواد کې هر کال شاوخوا ۹،۰۰۰ ټرافیکي پېښې کېږي چې پکې تقریباً ۴،۰۰۰ کسان وژل کېږي.
د فېسبوک تبصرې