د خیبر پښتونخوا صحت محکمې یو چارواکی وايي چې د ډینګي ناروغۍ مخنیوي لپاره یې ګامونه پورته کړي چې پکې له دې ناروغۍ د متاثره شویو کسانو په اړه مالومات راوغنډول، خلکو له پوهاوی ورکول او ځیني نور اقدامات شامل دي.
په صحت محکمه کې د ناروغیو مخنیوي څانګې یو مشر ډاکټر محمد سیلم خان د یکشنبې په ورځ مشال راډیو ته وویل، ددوی د مالوماتو پر اساس په شاوخوا ۵۴۰ کسانو کې د ډینګي ناروغۍ تصدیق شوی دي.
ستاسې سېسټم د HTML5 په چلولو کې ستونزه لري.
دا مرکه دلته واورئ
خو د خيبر پښتونخوا د صحت وزير شهرام خان د خالي په ورځ په یوه خبري غونډه کې ويلي وو چې د ډېنګې ناروغانو شميره له ۸۵۰ نه زياته شوې ده.
له دې وړاندې د پنجاب صوبايي حکومت لخوا د ډېنګې وايرس مخنيوي لپاره د ډاکټرانو يو ځانګړې ډله پيښور ته رسيدلي وه. چارواکو ويلي چې د ډاکټرانو ډله به په بيلا بيلو سيمو او په ځانګړي توګه تهکال کې د ډېنګي ناروغانو درملنه او ټيسټونه کوي.