د خیبر پښتونخوا هنګو په درسمندو کې په اتوار/یکشنبه لسګونو کسانو د یوڅه ساعت لپاره د ټل - پېښور لویه لاره وتړله او احتجاج یې وکړ. دوی د یوې اته کلنې ماشومې مدیحې په مرموز ډول د وژنې او ممکنه جنسي تېري خلاف راوتلي ول.
د پولیسو یو ځايي مشر شوکت علي شاه وايي، د ماشومې مدیحې د قتل په شک کې یې ځینې مشکوک کسان نیولي چې ترې پلټنې کوي.
د ماشومې د کورنۍ یو غړي ګل رحمان مشال راډیو ته وویل، مدیحه د شنبې/هفتې په ماښام ورکه شوې وه چې مړی یې د اتوار په سهار په یوه نږدې ځنګل کې وموندل شو. نوموړی وايي، په چا شک نه لري او نه پوهېږي دا پېښه ولې او څنګه رامنځ ته شوه.
ستاسې سېسټم د HTML5 په چلولو کې ستونزه لري.
د یوې اته کلنې ماشومې د وژلو پرضد پر ټل-پېښور سړک لاریون
تر دې وړاندې د فبرورۍ په نهمه د نوښار په ازاخېلو او د جنورۍ په ۲۰مه په کاکا صیب کې پر ماشومانو د جنسي تېریو پېښې مخې ته راغلې وې.
د پاکستان قامي اسمبلۍ، د فبرورۍ پر اوومه له ماشومانو سره د جنسي تېريو وروسته په وژنو کې ککړو کسانو ته په ډاګه د زندۍ ورکولو قرارداد منظوري ورکړه.