د خیبر پښتونخوا حکومت اعلان کړی دی چې د سختې ګرمۍ له کبله به په صوبه کې تعلیمي ادارې د جولايي تر پایه تړلې وي.
دا له هغه وروسته ده چې د صوبايي حکومت له خوا تعلیمي ادارې د جولای له لومړۍ تر ۱۱مې نېټې تړل شوې وې.
د جون پر ۲۹مه د صوبې د تعلیم وزیر شهرام خان ترکي له دفتره په جاري کړل شوي نوټیفکېشن کې راغلي وو چې د ګرمۍ زیاتېدو له امله به د جولای له لومړۍ نېټې څخه تر ۱۱مې نېټې پورې ټولې سرکاري تعلیمي ادارې تړلې وي.
دا پرېکړه د خیبر پښتونخوا د لوړو او ثانوي زده کړو ادارې د جولای پر ۱۲مه وکړه.
د پرېکړې له مخې د صوبې ټول سکولونه، کالجونه او پوهنتونونه به تر یادې شوې نېټې پورې تړلې وي.
د پېښور پوهنتون ویاند محمد نعمان د جولای پر ۱۲مه مشال راډیو ته وویل، په صوبه کې د سختې ګرمۍ له وجې دا ګام پورته کړل شوی دی.
ده وویل،د جولای تر ۳۱مې پورې به د صوبې ټول پوهنتونه او کالجونه به بند وي.
دا هم وګورئ:
پاکستان کورونا وبا: تعليمي ادارې پرانېستل شوې خو شخصي ادارې ستونزې لريخيبر پښتونخوا کې له نهم تر ۱۲م ټولګي درسونه بيا پيلېږيپه خېبرپښتونخوا تر ګډېدو وروسته په قبايلي ضلعو کې د تعليم حالد پېښور پوهنتون یو شمېر زده کوونکو مشال راډیو ته وویل، هغوی د حکومت پر دې پرېکړه خوشاله نه دي ځکه چې د کورونا د ټولبند له وجې یې وار له مخې وخت ډېر ضایع شوی دی.