د خیبر پښتونخوا د ډېره اسماعيل خان په درازنده کې قومي مشرانو، سياستوالو، د ځوانانو تنظيمونو او ديني عالمانو د امن لپاره مظاهره او جرګه وکړه.
دا جرګه د اکتوبر په دویمه په پیرغونډۍ سیمه کې د شیراني قبيلې د مشرانو لخوا وربلل شوې وه چې پکې د بېلابېلو کليو او قامونو استازو ګډون پکې کړی وو. هغوی پر حکومت د زياتې شوې ناامنۍ د ختمولو او د وسلوالو پرضد د بې توپيره کاروايي غوښتنه وکړه.
جرګې په شريکه پرېکړه کې ويلي چې که امن پر ځای نه شو، نو هغوی به احتجاج پراخ او پرلت دوامداره کړي.
په جرګه کې سلګونو کسانو ګډون وکړ.
د شیراني قبيلې یو مشر مولوي محمد اسلام د جرګې په اړه مشال راډیو ته وویل: "دا جرګه د امن په باره کې وه، موږ په شریکه وویل چې له هغو خلکو سره به هېڅوک رابطه نه ساتي چې امن خرابوي. قام به په شریکه د هغو ډلو خلاف ولاړ وي. حکومت دې پر چیک پوسټونو زموږ د شیراني قام اهلکار په کار وګوماري او که حکومت خلکو ته تحفظ نه شي ورکولی نو بیا دې خلکو ته د ځان او مال د ساتنې لپاره په کور کې د وسلې ساتلو اجازه ورکړي."
دا هم وګورئ:
سوات قامي جرګه: ریاست دې د ترهګرو سرپرستي او پر زمکو قبضه کول بس کړيد باړې سیاسي اتحاد د هدفي حملو مخنيوی غوښتیملي جمهوري غورځنګ په ټانک کې د امنیت پر موضوع جرګه کويد جنوبي وزیرستان مشران وايي امن لښکرو جوړېدو ته تیار نه ديجنرال اختر: د شمالي وزیرستان مشران او عالمان دې د امنیت لپاره رغنده کردار ادا کړيد خیبر قومي مشران وايي هېڅوک د امن لښکرو جوړولو ته نه پرېږديپه درازنده کې د پښتون ژغورنې غورځنګ یو مشر نظیرالله افغان مشال راډیو ته وویل، دوی ځکه د امن لپاره جرګې جوړوي چې په دې وروستیو کې چې د هغوی په سیمه کې د "او جي ډي سي" په نوم د تېلو او ګېس کمپنۍ په کار پیل کړی دی، په خواوشا سیمو کې د ترهګرۍ پېښې هم ورسره سمې پیل شوې دي.
نوموړی وايي، څو ځلې وسلوالو د ګېس پر هغه کمپنۍ هم ډزې کړې دي نو ځکه هغوی د خپلې سیمې د پرامنه ساتلو په خاطر د امن جرګې پیل کړې دي.
خو د درازندې یو بل قومي مشر یونس خان شیراني مشال راډیو ته وویل چې د خلکو د ځان او مال د ساتنې مسوولیت د حکومت دی: "موږ خپله ریاست ته دا پیغام ورکوو چې د خپلو عوامو د ځان، مال او ابرو ساتنه دې وکړي، ځکه دا یې مسوولیت دی. پر عوامو باندې دې دا بوج نه اچوي چې هغوی دې پخپله دا کار وکړي."
مشال راډیو د درازنده سیمې د خلکو د دغو غوښتنو په اړه د ډېره اسماعیل خان له ډېپټي کمېشنر منصور ارشد سره د اړیکو نیولو هڅه وکړه خو هغوی زموږ اړیکه ځواب نه کړه.
دا په داسې حال کې ده چې د خیبر پښتونخوا ګورنر غلام علي د اکتوبر پر دویمه په پېښور کې یوې غونډې ته ویلي وو، امنيتي ځواکونو د وسلوالو د ځپلو لپاره کوټلي ګامونه پورته کړي دي. هغه زیاته کړې وه چې ترهګري به بيا پراخېدو ته نه پرېږدي.
تر دې وړاندې د پاکستان حکومت او پوځ هم په بیا بیا ټینګار کړی دی چې ریاستي امنیتي ادارې د وسلوالو پرضد بې توپیره عملیات کوي او په تېرو کلونو کې یې په دې لړ کې بریاوې ترلاسه کړې دې.
د خیبر پښتونخوا د پولیسو مشر اختر حیات خان ګنډه پور د اګست پر ۱۱مه مشال راډیو ته ویلي ول چې د صوبې پولیسو او د پولیسو د ترهګرۍ ضد څانګې (سي ټي ډي) په تېرو میاشتو کې د بېلابېلو وسلوالو ډلو یوشمېر غړي نیولي او پرضد یې عملیاتو ته دوام ورکړی دی.