د خیبر پښتونخوا په کرک کې مرستیال کمېشنر په پلاسټيکي کڅوړو کې د ګېس پر وړلو او ذخيره کولو بندیز لګولی دی.
د نومبر پر ۱۲مه ضلعي انتظامیې په یو بیان کې ویلي دي چې په پلاسټیکي کڅوړو کې ګېس وړل د حادثو لامل کیدلی شي.
ځايي اولس د انتظاميې دا ګام ستايلی دی، خو وايي کرک ضلع ټولې صوبې او د پاکستان نورو برخو ته ګېس ورکوي خو د سیمي خلک ترې بې برخې دي نو ځکه د دوی هغه ستونزه هواره شي.
د کرک ضلع په بانډه داود شا او د ضلعې په نورو برخو کې خلک ګېس په کڅوړو (خلتو) کې کورونو ته وړي او بیا یې کاروي.
د سیمې یو استوګن اسلم خټک وایي، د سیمي خلک د ګېس د کمښت له ستونزې سره مخ دي او او بې وزله هم دي نو ځکه په پلاسټیکي کڅوړو کې ګېس ډکول ورته ارزانه پرېوزي.
دا هم وګورئ:
خیبر پښتونخوا په نوې ټېکنالوژۍ تېل او ګېس راباسيد کوهاټ مشران: حکومت دې سيمه کې د تیلو او ګیس له لټونه لاس واخليد کرک خلک : د تېلو پاکولو کارخانه دې د کوهاټ په ځای دلته ولګول شيد کرک خټک پر خپل ګیس خپل اختیار غواړيد سیمې یو بل استوګن او د کالج استاد عبدالظاهر وایي چې په کڅوړو کې د ګېس د وړولو او ذخیره کولو له امله ځینې پیښې هم شوې دي.
"اوس هم حادثې کېږي، خلک دې ته پام نه کوي خو اوس په ډېرو ځایونو کې د ګېس قانوني کنکشنو باندې کار روان دی."
د کرک مرستیال کمېشنر احمد زیب په بیان کې په پلاسټیک کڅوړو کې د ګېس پر وړولو د بندیز ۱۴۴مه ماده لګولې او سرغړونکو پر ضد یې د کارروایي کولو خبرداری ورکړی دی.
په ۲۰۱۲ز کال کې د خیبر پښتونخوا د هغه وخت اعلا وزیر محمود خان په کرک بانډه داود شا کې ولسي غونډې ته په وینا کې په سیمه کې د ګېس نلليکو د غځولو د پروژې لپاره د دوه اربه روپيو ورکولو خبره کړې وه. هغه دا هم ویلي ول چې د سیمې د ځمکې څخه راوتونکي ګېس ګټه به د ضلعې په پرمختګ لګوي.