د خیبر پښتونخوا په قبایلي ضلعه خیبر کې چارواکي او عيني شاهدان وايي چې په تيراه ميدان کې له تېرو څو ورځو راهيسې د وسلوالو او امنیتي ځواکونو ترمینځ نښتې روانې دي چې پکې ۸ سرتېري وژل شوي او ۶ ټپیان دي.
په خیبر کې د امنیتي ادارې یوه چارواکي چې له رسنیو سره يې د خبرو اجازه نه لرله، د د خپل نوم نه خپرولو په شرط د نومبر پر ۱۹مه نیټه مشال راډيو ته وویل چې د نومبر له ۱۷مې نیټې راهیسې په تیرا میدان کې د امنیتي ځواکونو او وسلوالو ترمنځ په بېلا بېلو ځایونو کې د نښتو پر مهال دواړو خواوو ته مرګژوبله اوښتې ده.
ده زیاته کړه چې له تېرو درو ورځو د روانو نښتو په ترڅ کې لږ تر لږه اته پاکستاني عسکر وژل شوي او پينځه نور وژل شوي دي.
په تیرا میدان کې عیني شاهدانو مشال راډیو ته ویلي چې د نومبر پر ۱۷مه نیټه وسلوالو د پوځ پر کېمپونو له بېلا بېلو اړخونو برید وکړ چې ورسره نښتې پیل شوې چې د دوی په وینا تر ډېره وخته پورې روانې وې.
دا هم وګورئ:
د خيبر د باړې سياسي اتحاد په تیرا کې د ماشومانو د وژنې ضد احتجاج کړی دیدوی زیاته کړه چې د نومبر پر ۱۸مه نیټه یې د دې وژل شویو پوځي عسکرو د مړو تابوتونه هم لیدلي دي.
امنیتي چارواکي که څه هم تفصیل ورنه کړ خو دعوه کوي چې پاکستانیو عسکرو د نښتو پرمهال وسلوالو ته هم درنه مرګژوبله اړولې ده. البته وسلوالو په دې اړه لا څه نه دې ويلي.
د پاکستاني پوځ د عامه اړیکو څانګې - ای ایس پي ار -هم د دې خبر تر خپرېدو پورې په تیرا کې امنیتی عسکرو ته د اوښتې مرګژوبلې په اړه رسمي بیان نه دی خپور کړی.
عیني شاهدان وايي چې د وسلوالو او پاکستانیو عسکرو ترمينځ د نښتو پر مهال درنې وسلې کارول شوې دي او ځینې مارټر ګولۍ پر دوکانونو او کورونو هم لګېدلې دي.
ستاسې سېسټم د HTML5 په چلولو کې ستونزه لري.
د کورمې د ماشوم غميزه چې په چاودنه کې يې دواړه سترګي او يو لاس بایللي
خو نه دوی او نه هم انتظامي چارواکو تر اوسه پر ولسي کورونو او دواکانونو د لګېدلو مارټر ګولیو د زیان په اړه څه ویلي دي.
د تیرا په مرکز باغ کې د نومبر پر ۱۹ نیټه هم بازارونه بند دي او د خلکو پر تګ راتګ بندیز لګول شوی دی او ورته ویل شوي چې په خپلو کورونو کې پاتې شي.
تر دې وړاندې د خیبر ضلعې په تیرا کې د نومبر پر شپږمه د مارټر يا هاوان مرميو بريد په نتیجه کې دوه ماشومان وژل شوي او پینځه نور ژوبل شوي ول چې پرضد يې باړې سياسي اتحاد د نومبر پر اتمه نېټه احتجاجي مظاهره وکړه.
د خیبر په ګډون په یو شمېر نورو قبایلي ضلعو کې وخت ناوخته د پاکستانیو ځواکونو او وسله والو ترمنځ د نښتو پرمهال پر عامو کورونو هم توغندي پرېوځي چې له کبله یې عام خلکو ته مرګ ژوبله اوړي.
د داسې پېښو پرضد په وار وار سیاسي ګوندونو او د بشري حقونو لپاره مبارزه کوونکو احتجاجونه هم کړي او غوښتنه یې کړې ده چې د عام ولس ژوند ته پام وکړي.