د پاکستان قامي اسمبلۍ د پنجاب او خیبر پښتونخوا د صوبايي اسمبلیو د درې کسیزه جرګګۍ پرېکړې پرضد قرارداد منظور کړی دی.
قامي اسمبلۍ د اپرېل پر شپږمه تر غونډې وروسته پر خپله رسمي ټوېټر پاڼه دوه ویډیوګانې خپرې کړې دي چې پکې ښکاري چې د بلوچستان عوامي ګوند غړي خالد مګسي پرېکړه لیک وړاندې کوي.
قومی اسمبلی کے اجلاس میں سپریم کورٹ کے تین رکنی بینچ کے الیکشن کے فیصلے کے حوالے سے قرارداد پیشخالد مگسی کی طرف سے پیش کردہ قرار داد کو منظور کرلیا گیا pic.twitter.com/Yt17sLRTmT
— National Assembly of 🇵🇰 (@NAofPakistan) April 6, 2023
قامي اسمبلۍ پر ټوېټر په بیان کې زیاته کړې ده چې د هغې جرګې غړو قرارداد منظور کړی دی.
د پاکستان دولتي راډیو په خبر کې لیکلي چې د قرارداد په متن کې راغلي چې قامي اسمبلي د درې کسیزه جرګګۍ فیصله ردوي.
په پرېکړه لیک کې له وزیراعظم شهباز شریف او وفاقي کابینې څخه غوښتنه شوې ده د سپریم کورټ فیصله دې نه عملي کوي ځکه چې هغه له ایین سره سمون نه خوري.
دا تر هغې وروسته ده چې د اپرېل پر څلورمه د پاکستان سپریم کورټ تر اکتوبره په پنجاب او خیبر پښتونخوا کې د صوبايي اسمبلیو انتخاباتو په اړه د انتخاباتي کمېشن پرېکړه رد کړه.
ټاکل شوی وه چې د پنجاب اسمبلۍ انتخابات د اپرېل پر ۳۰مه وشي خو انتخاباتي کمېشن د مارچ پر ۲۲مه اعلان وکړ چې د پیسو نه شتوالي او خراب امنیتي وضعیت له امله ټاکنې د اکتوبر تر اتمې ځنډوي. کمېشن داراز د مارچ پر ۲۹مه اعلان وکړ چې د خیبر پښتونخوا اسمبلۍ ټاکنې هم د اکتوبر پر اتمه نېټه کوي.
د پخواني وزیراعظم عمران خان په مشرۍ پاکستان تحریک انصاف د ټاکنو کمېشن پرېکړه رد کړې وه او پرضد یې سپریم کورټ ته درخواست ورکړی وو.
سترې محکمې یا سپریم کورټ مشر قاضي عمر عطا بندیال د هغې قضیې د لویې جرګګۍ پر ماتېدو سربېره اورېدنو ته دوام ورکړی وو.
دا هم وګورئ:
سپریم کورټ په پنجاب کې د مې پر ۱۴مه د صوبايي انتخاباتو امر وکړعمران خان وايي که حکومت اقتصادي بحران هوارولای شي نو تر اکتوبره به انتخاباتو ته انتظار وکړيد قامي اسمبلۍ په قرارداد کې غوښتنه شوې ده چې د درې کسیزه جرګګۍ پر ځای دې د سپریم کورټ د ټولو قاضیانو جرګه د انتخاباتو ځنډېدو قضیه واوري.
په پرېکړه لیک کې په سیاسي چارو کې د عدلیې د مداخلت په اړه اندېښنه ښوول شوې ده.
سپریم کورټ د قامي اسمبلۍ د قرارداد په غبرګون کې څه نه دي ویلي.
خو مشر قاضي عمر عطا بندیال تر دې مخکې د ټولو قاضیانو جرګګۍ جوړولو لپاره په وفاقي حکومت کې د شریکو ګوندونو غوښتنه رد کړې وه.
د سپریم کورټ د مشر قاضي عمر عطا بندیال په مشرۍ درې کسیزې جرګګۍ د اپرېل پر څلورمه په خپله فیصله کې د پاکستان د انتخاباتي کمېشن اقدام غیر اییني وباله او و یې ویل چې هغې ادارې "خپل واک ناسم کارولی" دی.
د سپریم کورټ جرګګۍ امر وکړ چې د پنجاب اسمبلۍ لپاره دې د ۲۰۲۳ز کال د مې میاشتې پر ۱۴مه نېټه انتخابات وشي او په خيبر پښتونخوا کې د صوبايي انتخاباتو کولو لپاره درخواست ورکوونکي عدالت ته تللی شي.
د پاکستان انتخاباتي کمېشن د سترې محکمې تر پرېکړې یوه ورځ وروسته د مې پر ۱۴مه په پنجاب کې د صوبايي اسمبلۍ د انتخاباتو لپاره جدول خپور کړ.
خو د پاکستان دولتي راډیو وايي، په پرېکړه لیک کې راغلي چې قامي اسمبلي فکر کوي چې له ایین او قانون سره سم، پر یوه نېټه په ټول هېواد کې انتخابات کول د ټولو مسلو د هواري لاره بولي.
ستاسې سېسټم د HTML5 په چلولو کې ستونزه لري.
سپریم کورټ په پنجاب کې د مې پر ۱۴مه د صوبايي انتخاباتو امر وکړ
په همدې حال کې تحریک انصاف ګوند وویل د خیبر پښتونخوا اسمبلۍ انتخاباتو ځنډېدو پرېکړې پرضد سپریم کورټ ته ځي.
د هغه ګوند یو مخکښ سیاستوال شوکت یوسفزي د اپرېل پر پینځمه مشال راډیو ته وویل چې په تېرو کلونو کې په ناامنۍ سربېره په خیبر پښتونخوا کې انتخابات شوي دي نو ځکه د امنیتي وضعې پر سر د ټاکنو ځنډول مناسب نه دي.
د خیبر پښتونخوا ګورنر د جنورۍ پر ۱۷مه د هغه وخت د اعلا وزير محمود خان پر سپارښتنه صوبايي اسمبلۍ ماته کړه. تر دې وړاندې د جنورۍ پر ۱۴مه د پنجاب اسمبلۍ ړنګه شوې وه.
د پاکستان له اساسي قانون يا ايين سره سم، د اسمبلیو تر ړنګېدو وروسته باید په ۹۰ ورځو کې دننه انتخابات ترسره شي. له دې سره سم، په پنجاب او خیبر پښتونخوا کې د صوبايي اسمبلیو لپاره د انتخاباتو کولو اییني موده د اپرېل پر ۱۷مه پای ته رسېږي.
دا هم وګورئ:
د انتخاباتو په اړه د سپريم کورټ پرېکړې ته د شهباز شريف غبرګون: "نن د عدل او انصاف قتل وشو"عمران خان وايي که حکومت اقتصادي بحران هوارولای شي نو تر اکتوبره به انتخاباتو ته انتظار وکړيد پاکستان حکومت وايي تر اکتوبر وړاندې ټاکنې نه شي کولید پاکستان سپریم کورټ تر دې مخکې د مارچ پر لومړۍ نېټه پرېکړه کړې وه چې په ۹۰ ورځو کې دې په خیبر پښتونخوا او پنجاب کې د صوبايي اسمبلیو لپاره انتخابات وشي.
د پاکستان وزیراعظم شهباز شریف د اپرېل پر څلورمه د پارلېمان دواړو جرګو - قامي اسمبلۍ او سېنېټ - ګډې غونډې ته په وینا کې د پنجاب اسمبلۍ انتخاباتو په اړه د سپريم کورټ فیصله "د عدل او انصاف قتل" معنا لري.
خو مخالفه ګوند تحریک انصاف د سپریم کورټ د فیصلې هرکلی وکړ او هغه یې د "ایین بریا" وبلله.