انیسه اجمل

روغتیاپالان: پاکستان کې د ایس په نوم د نشه يي توکو استعمال زیات شوی

د جون ۲۶مه د نشه يي موادو د کارولو ضد د نړیوالې ورځې په توګه لمانځل کېږي. ملګري ملتونه وايي، په نړۍ کې د نشه يي موادو کارول زیات شوي دي چې پر وخت یې د مخنیوي لپاره اقدامات اړین دي. په پاکستان کې روغتیاپالان وايي، په وروستیو کې هلته د مېت اېمفېټامین یا ایس په نوم د نشه يي موادو کارول زیات شوي.

په تیونس کې له هوا څخه د اوبو جوړولو مشين

په تیونس کې اهاب تریکي نومې کس داسې يو مشین جوړ کړی چې له هوا څخه اوبه جوړوي. د مشين نوم کميولېس. تریکي وايي چې مشين يې په تیونس کې د اوبو د کمښت ستونزه حلولای شي. په دې اړه انیسې اجمل د رویټرز خبري اژانس له ویډیو څخه رپورټ جوړ کړی دی.

په شمالي وزيرستان کې د هدفي وژنو تر شا څوک دي او ولې نه نيول کيږي؟

کابل کې د ۷۰ جوړو پر يو ځای ودونه شوي

په کابل کې د جون پر ۱۳مه د شاوخوا ۷۰ جوړو یو ځای ودونه وشول. د دې ودونو جوړوونکي وايي چې زياتره خلک مالي مشکلات لري او یوازې پر خپل مټ د واده کولو توان نه لري نو ځکه یې اجتماعي ودونه جوړ کړل. په دې اړه د اې ایف پي خبري اژانس دا ویډیو وګورئ.

په ماشومانو د مزدورۍ کولو ضد ورځ ولې لمانځل کېږي؟

ملګري ملتونه وايي، که پر وخت له ماشومانو څخه د مشقت اخیستو پرضد اقدامات و نه شول نو د مزدورو ماشومانو شمېر لا لوړېدای شي. هغې ادارې دا خبره پر داسې مهال کړې چې د جون پر ۱۲مه پر ماشومانو د مزدورۍ ضد له نړیوالې ورځې سره سمون خوري. تفصیل په رپورټ کې.

خلک څنګه چاپېریال سم ساتلای شي؟

د ملګرو ملتونو د چاپېریال چارو اداره وايي، د حکومتونو او ټولنو ترڅنګ دا د خلکو هم دنده ده چې خپل ماحول پاک وساتي او د خوندیتوب هڅې یې وکړي. هغه اداره هر کال د جون پر پینځمه د ماحول نړیواله ورځ لمانځي چې موخه یې د خلکو پوه کول او اقدام ته اړ کول دي. رپورټ واورئ.

وچکالۍ د افغانستان د غنمو پیداوار اغېزمن کړی

په افغانستان کې کروندګر وايي، سږ کال د وچکالۍ له وجې کم غنم شوي دي. دوی همداراز وايي، د کیمیايي سرې د بیې لوړېدو له کبله یې په فصل زیاتې پیسې لګولې دي. په دې اړه د اسوشيېټېډ پرېس او رویټرز اژانسونو له ویډیوګانو جوړ رپورټ.

د مصر ډول غږولو مېلې ته ګڼ خلک ورغلي

د مصر په پلازمېنه قاهره کې د ډول غږولو مېله پیل شوې چې د مې تر ۲۸مې به روانه وي. په مېله کې د بېلابېلو هېوادونو ډول غږوونکو برخه اخیستې ده. منتظمین وايي، د روحاني او فولکوري موسیقۍ له لارې د سولې پیغام ورکوي. د اسوشیېټېډ پرېس او اې اېف پي له ویډیوګانو جوړ رپورټ.

افغان ښځينه خبریالانو په پټ مخ خپرونې پېل کړي

د خښتو د بټیو مزدوران د سختې ګرمۍ له وجې کار نه شي کولای

په پاکستان کې د خښتو په بټیو کې کارکوونکي وايي، په وروستیو کې د سختې ګرمۍ له وجې ورته کار کول ګران شوي دي. دوی وايي، د کورنۍ اقتصادي چارو چلولو کار ته اړ کړي دي. د اژانس فرانس پرېس او اسوشيېټېډ پرېس له ویډیوګانو جوړ رپورټ.

څیړونکي: په پاکستان کې د اوبو کمې وچکالي رامنځته کولای شي

د سیند صوبې په عمر کوټ سیمه کې خلک وايي د بارانونو د نه کېدو او سختې ګرمۍ له وجې په تالابونو کې اوبه کمې شوې دي او فصلونو ته یې زیان رسیدلی دی. د دې وجې څه دی او خلک یې په اړه څه کولی شي؟ انیسه اجمل له ایسوسیټيډ پریس خبري اژانس له ويډيو دا راپور جوړ کړي.

کډوال: شمالي وزیرستان ته تر ستنېدو مخکې هلته بشپړ امنیت غواړو

د بنو په بکاخېلو کېمپ کې د شمالي وزیرستان کډوال له حکومته غوښتنه کوي چې د دوی په سیمو کې دې تر امنیت باوري کولو وروسته ستانه کړي. دوی زیاتوي چې په کېمپ کې بنیادي سهولتونه نه لري. چارواکي وايي چې دا کډوال به په شمالي وزیرستان کې د امنیت ښه کېدو او هلته پرمختیايي کارونو وروسته ستنوي.

په پېښور کې ۲ سیکان وژل شوي دي

د سربند تاڼې مرستیال محرر اسماعیل خان د می پر ۱۵مه مشال رېډیو ته وویل چې ډزې په بټه تل څلور لارې کې شوې دي. د هغه په وينا وژل شوي کسان رنجیت سنګ او کول جیت سنګ نومیدل او په خپل دوکان کې ناست ول چې وسله والو پرې ډزې وکړي.

پاکستان کې یوه اداره معذورانو ته د وجود مصنوعي غړي لګوي

په کراچۍ کې د بایونېکس په نامه ناحکومتي اداره معذورانو ته د وجود مصنوعي غړي لګوي. دوی د کراچۍ یوې اوسېدونکې امنې رحمان ته د مصنوعي لاس لګولو طریقه ښيي. نوموړې وايي چې هغه ډېره خوشاله ده او له دې کار سره پکې اعتماد زیات شوی دی. د اسوشيېټېډ پرېس اژانس ویډیويي رپورټ.

د شام جګړه ځپلو او بې کوره خلکو لپاره روژه ماتی

د شام په وړوکي ښار تادف کې یوه ناحکومتي اداره د جګړو له وجې بې کوره شویو خلکو ته روژه ماتی برابر کړی دی. د الفت په نوم د ادارې مشران وايي، د دې کار موخه یې له یو بله د جلا شویو کورنیو سره یو ځای کول ول. نور د رویټر اژانس په ویډیويي رپورټ کې.

موصل کې تر روژه ماتي وروسته د ساعت تېرۍ محفلونه جوړېږي

د عراق په دویم لوی ښار موصل کې تر روژه ماتي وروسته خلک له کورونو بهر وځي او د تفریح له پروګرامونو، مذهبي موسیقۍ، کیسو اورېدو او له خوراکونو خوند اخلي. د موصل اوسېدونکي وايي چې د داعش وسله والې ډلې د فعالیتونو او پوځي عملیاتو له وجې یې ښار زیانمن شوی وو خو اوس یو ځل بیا د ژوند رنګونه پکې لیدل کېږي.

په سوات کې پر يوې ماشومې د جنسي تېري په تور يو کس نیول شوی

په کابل کې چاودنو ګڼ کسان وژلي او زخميان کړي دي

د پاکستان د نوې وفاقي‌کابینې غړو سوګند واخیست

په کابينه کې د مسلم لیګ نواز ګوند ۱۳، د پاکستان پیپلز ګوند نهه، د جميعت علما اسلام ف ډلې څلور، د متحده قامي مومنټ دوه او د بلوچستان عوامي ګوند، جمهوري وطن پارټۍ او د مسلم لیګ (ق) یو یو غړي شامل دي.

امریکا: تېر کال پاکستان کې د بشري حقونو سرغړونې روانې وې

د پاکستان نویو واکمنانو د دې راپور په غبرګون څه نه دي ویلي خو تر دې مخکې د تحریک انصاف په مشرۍ وفاقي اېتلافي حکومت په بیا بیا هوډ ښوولی وو چې د بشري حقونو د سرغړونو مخنیوي اقدامات کوي.