نجیب الله الوخېل په خوست کې د مشال راډیو خبریال دی او د خوست، پکتیا، پکتیکا او لوګر پر حالاتو رپورټونه جوړوي.
د خوست په پښتونستان پارک کې د کرکټ ټورنامنټ ترسره شوی دی. دا د ملګرو ملتونو په مالي همکارۍ شوی
په خوست کې له روغتیايي انسټېټیوټونو څخه فارغانو د کار زمینې برابرولو غوښتنه کړې ده. هغوی دا غوښتنه د ډېسېمبر پر ۱۸مه د محصلینو د فراغت په لمانځغونډه کې وکړه. نویو فارغانو د روغتیا په ډګر کې د ښځو رول اړین وباله. ویډیويي رپورټ.
د ډېسېمبر پر ۱۶مه د خوست په میخانیکي انسټیټيوټ کې د ۱۴ کلنو زدکړو تر بشپړولو وروسته نېږدې ۳۰۰ مسلکي او حرفوي کسان فارغ شول. د دغه انسټیټيوټ فارغان تر ډېره په ښار کې په خپلو مسلکي برخو کې شخصي کاروبارونه پيلول غواړي.
په خوست کې د کتاب لوستلو د دودولو لپاره درې ورځنی نندارتون پرانیستل شوی دی چې پکې ګڼو کتب پلورونکو کتابونه خرڅلاو ته وایښي دي
د خوست ولایت د قلندر ولسوالۍ اوسېدونکي خرابو لارو، د څښاک د پاکو اوبو، د روغتیايي خدمتونو د کمښت او د ښوونځیو د ودانیو نشتوالي شکایت کوي. دا د خوست په شمال کې منګل مېشته غرییزه ولسوالۍ ده، چې پخوا د امنیتي ګواښونو له کبله پکې د بیار رغونې کارونه نه دي شوي. د نجیب الله الوخېل ويډيويي رپورټ وګورئ.
د افغانستان په خوست کې د نومبر پر ۲۷مه د ځوانانو د یووالي په نوم د فوټبال د غوره لیګ د پیل لپاره مراسم نیول شوي ول. په دغه اتلولي کې د خيبر پښتونخوا د یو شمېر لوبغاړو په ګډون، د خوست ۱۰ غوره لوبډلې هم برخه پکې اخلي.
د ډېورنډ له کرښې سره نېږدې د خوست د ګربزو ولسوالۍ د ژورې سیمې اوسېدونکي وايي چې د ژوند له زیاتره اسانتیاوو بې برخې دي. دوی وايي، د څښاک پاکې اوبه، روغتیايي خدمات او ښوونځي نه لري. د سیمې اوسېدونکي وايي چې د اوبه خور لپاره وړو بندونو ته هم زښته اړتیا لري. ویډيويي رپورټ.
د نومبر پر ۱۴مه په خوست کې د یو شمېر ځوانانو په نوښت د دویم ځل لپاره "رنګین ماښام" مشاعره جوړه شوې وه. منتظمینو د هغې مشاعرې موخې د ځوانو استعدادونو روزنه، د خلکو فکري رغونه او د فرهنګ د پرمختیا لپاره هڅې وبللې. په هغه مشاعره کې ګڼو کسانو ګډون کړی وو. ويډيو رپورټ
پکتیا ولایت د څمکنیو ولسوالۍ کروندګر وايي، چې سږ کال یې د شولو فصلونو ښه نتیجه ورکړې او پیداوار یې ډېر شوی دی.
په افغانستان کې ماشومان په داسې حال کې په ښونځیو کې خپلو زده کړو ته ادامه ورکوي چې مناسب درسي چاپیریال ته کم لاس رسی لري.
د اکتوبر پر ۳۰مه په خوست کې پر شاوخوا ۷۰۰ هغو کورنیو د خوراکي توکو مرسته وېشل شوې چې په تېرو دوه میاشتو کې له طبعي او غیر طبعي پيښو زیانمن شوې وې. د مرستې ترلاسه کوونکو وویل، طبعي پېښو کې د دوی زیانونو اندازه ډېره ده او په دې مرستو يې اړین ضرورتونه، نه پوره کیږي.
د خوست لکڼو اوسېدونکو د برېښنا او سړک د ترمیم غوښتنه وکړه
د پکتیا ولایت په احمدابا ولسوالۍ کې د "غونځي ګل" په نوم مشاعره شوې چې پکې یوشمېر شاعرانو او د سیمې لسګونو اوسېدونکو ګډون وکړ. د اکتوبر ۲۰مې د مشاعرې منتظمین وايي چې د مشاعرې موخه د سیمې استعدادونو ته پام او د فرهنګي فعالیتونو ته وده ورکول وو. په دې اړه ویډیويي رپورټ وګورئ.
د اکتوبر په ۱۸مه، د خوست په لکڼو سرحدي سیمه کې یوه پخوانۍ دښمني، چې درې کسان په کې وژل شوي او یو تن ټپي شوی ول، د قومي مخورو او دیني عالمانو په منځګړتوب په دوستۍ بدله شوه.
خوستي سوداګر او کاروباریان وايي، سږ کال د افغانستان په خوست، پکتیا او پکتیکا کې د زڼغوځیو حاصلات ښه شوي، خو تر اوسه یې بیه پر ځای نه ده ولاړه. دوی غوښتنه کوي چې د زڼغوځیو د پروسس او بسته بندۍ فابریکې دې په خوست کې جوړې شي او له همدې ځایه دې نورې نړۍ ته صادر شي.
په خوست کې د کرنیزو، صنعتي او لاسي صنایعو درې ورځنی نندارتون روان دی. هغه نندارتون د اکتوبر پر ۱۵مه پیل شو او منتظمینو د ځڼغوزیو د تازه حاصل له وجې ورته د "تورو الماسو" نوم ورکړی دی. ویډیويي رپورټ.
د خوست ولایت د قلندر ولسوالۍ د اسمان کوټ د لیرې پرتې سیمې اوسېدونکي د ژوند په بهیر کې له ګڼو ستونزو شکایت کوي.
د افغانستان د پکتیا ولايت په ډنډ پټان ولسوالۍ کې له وروستۍ بړبوکۍ او توپان څخه زیانمن شوي کسان وايي چې کورونو او ابادیو ته يې دې طبيعي افت درانه تاوانونه رسولي او د کورونو زیاتره لمرينې ښېښې يې هم ماتې شوې دي.
د افغانستان په پکتیا ولایت کې د صنعتي او کرنیزو توکو او حیواني محصولاتو یو ورځنی نندارتون شوی دی. د سېپټېمبر د ۲۵مې نندارتون موخه د کرنې او مالدارۍ د کاروباریانو او کروندګرو ترمینځ د اړیکو جوړول ول. په نندارتون کې د لوګر، پکتیا او خوست تولیدات هم ایښي ول
د افغانستان د خوست اوسېدونکي له اړوندو ادارو غواړي چې هغوی دې په ښار کې د بې کیفیته او تر وخت تېرو خوراکي توکو او درملو د پېر او پلور مخه ونیسي. د هغوی په وينا، دا ډول توکي دوی ته د ګټې پر ځای تاوان رسوي او وروسته د اقتصادي ستونزو له امله د ځانونو د درملنې توان هم نه لري.
نور وښیئ
