نجیب الله الوخېل په خوست کې د مشال راډیو خبریال دی او د خوست، پکتیا، پکتیکا او لوګر پر حالاتو رپورټونه جوړوي.
د جولای پر ۱۲مه په شپه خوست کې چنار دودیزه کلنۍ مشاعره جوړه شوه. یاده مشاعره چې د افغانستان د خپلواکۍ سلمې کالیزې ته ځانګړې شوې وه، سیمه يې د افغانستان په ملي بیرغونو، د غازي امان الله خان، د هغه د میرمنې ملکه ثریا او د افغانستان په تاریخي انځورونو ښایسته شوې وه.
د خوست د تریزیو او علي شېرو د سرحدي ولسوالۍ اوسیدونکي وايي، په تېرو کلونو کې دوی ته د بیارغونې په برخه کې کار نه دی شوی او په هره برخه کې له ګڼو ستونزو سره مخامخ دي.
په خوست کې د میشتو کوچي قومونو مشران او سپين ږیري وايي، چې دوی د پوهنې، روغتیا، اوبو او د ژوندانه د نورو اړینو ضرورتونو په
د خوست د ولایتي شورا او مدني ټولنو غړي غوښتنه کوي، چې په یاد ولایت کې دې د دولتي ځمکو د غصب مخه ونیول شي او په اوږدمهالو قراردادونو دې هم نه ورکول کیږي.
د جون پر ۲۱مه مازدیګر د خوست د ګربزو په ګلان کېمپ کې میشتو سلګونو وزیرستاینو مشرانو او ځوانانو د یوې غونډې له لارې د مې پر۲۶ مه د خړ کمر د پيښې په تړاو د پښتون ژغورنې غورځنګ د یو شمېر نیول شویو مشرانو او پلویانو د خلاصولو غوښتنه وکړه.
د سې شنبې په ورځ په خوست کې د کمک په نوم یوې نادولتي موسسې د ملکي وګړو له هغو کورنیو سره د خوراکي او غیر خوراکي توکو مرسته وکړه، چې په جګړو، بمي چاودنو او نورو پېښو کې يې د کورنۍ غړي وژل شوي، ټپیان دي او یا يې د کورنیو عایداتي سرچینې د لاسه ورکړي دي.
د افغانستان د خوست چارواکي وايي، د ملي امنیت سرتېرو د یاد ولایت په موسی خېلو ولسوالۍ کې د ځانګړو عملیاتو له لارې د وسله والو طالبانو هغه ۲۳ کسیزه ډله ونیوله، چې غوښتل يې د یو ډله ییز برید له لارې دا ولسوالۍ ونیسي.
خوست کې د غازي ببرک خان ځدراڼ خاورینه جنګي کلا تر اوسه هم ویجاړه پاته شوې او د حکومتي مسوولینو د مکررو ژمنو سره سره يې هم بیارغونه نه ده پیل شوې.
د جون پر شپږمه د خوست ولایت چارواکو د افغان امنیتي ځواکونو په لیکو کې د وژل شویو سرتېرو له ماشومو یتیمانو سره د اختر درېیمه ورځ یو ځای ولمانځله.
د خوست دیني عالمان، قومي مخور او د ولایتي شورا غړي په افغانستان کې د جګړې له ښکیلو خواوو غواړي، چې جګړه بس کړي، اوربند دې وکړي او لدې لارې دې د بین الافغاني خبرو اترو لپار زمینه برابره کړي.
خوستوالو د مې پر ۳۱مه د یو لاریون په ترڅ کې د جګړې له ښکیلو خواوو وغوښتل، چې د کوچني اخترپه شپو ورځو کې اوربند وکړي.
د افغانستان د پکتیا ولایت چارواکي وايي، چې پرون د چارشنبې په ورځ د یاد ولایت د ملي امنیت منسوبینو د سړي تښتونکو یوه اوه کسیزه ډله نیولې او له هغوی څخه يې د اقبال په نوم یو شپږ کلن ماشوم ژغورلی دی.
د افغانستان د پکتیا امنیتي چارواکي وايي، د ملي امنیت ځواکونو په مرکز ګردېز کې ۳۵۸ میله بېلابېله وسله چې په یو لوی باروړونکي موټر کې ځای پر ځای شوې وه له پنځو تنو لیږدونکو سره یو ځای نیولې ده.
خوست کې پولیسو په جرمونو ککړ شل تورن کسان له پنځلس توپنچو او کلاشینکوفونو او له یوه اندازه نشه يي توکيو سره نیول شوي دي.
د خوست حکومتي مسوولین وايي، چې د یاد ولایت په یو شمېر ولسوالیو کې د کتاب لوستنې د فرهنګ د دودولو په خاطر عامه کتابتونونه جوړوي.
د لوګر امنیتي چارواکي وايي، د محمد آغا ولسوالۍ په ځینو سیمو کې یې د کابل -لوګر د لویې لارې د امنیت لپاره یوشمېر نوې امنیتي پوستې جوړې کړې دي.
د خوست ښار د متون غونډۍ په کورونو کې د وسلوالو مخالفینو د وسلو، مهماتو او پوځي تجهیزاتو یو ډيپو او په تور يې درې کسان نیول شوي دي.
د مې پر ۱۲مه، د خوست ښار دوکاندارانو او کاروباریانو د ولایتي ادارې او د ښاروالۍ ریاست د چارواکو لخوا د دوکانونو د اوسپنې څادرو څخه د جوړو سیورو (سایه بان) د ماتولو په اعتراض کې ښار تړلی دی.
د مې پر څلورمه، د خوست د مرکز اړوند متون او شمل همدارنګه د صبریو او باک په ولسوالیو کې د ۱۳ ښوونځیو لپاره د ودانیو د جوړولو کار پیل شو.
د سېشنبې په ورځ په خوست کې د بي بي سي راډیو د پخواني خبریال احمدشاه د وژنې د لومړي تلین د لمانځ غونډې ګډونوالو وویل، هېڅوک نشي کولی د ژونو او ګواښونو په واسطه پدې هېواد کې د بیان ازادۍ مخه ونیسي.
نور وښیئ
