نجیب الله الوخېل په خوست کې د مشال راډیو خبریال دی او د خوست، پکتیا، پکتیکا او لوګر پر حالاتو رپورټونه جوړوي.
د خوست سپیرې ولسوالۍ اړوند د افغانۍ دوبۍ سیمه کې میشت وزیرستاني کډوال وايي، چې له دوی سره د نړیوال خوراکي پروګرام، یو این ایچ سي ار او نورو نړیوالو بنسټونو لخوا د مرستو درې میاشتنیو قراردادونو انديښمن کړي دي.
د خوست په نادر شاه کوټ ولسوالۍ کې له پوهنتونونو فارغو یوشمېر هغو کسانو چې دندې نه لري، د خپلې سیمې ماشومانو او ځوانانو لپاره ښوونیز مرکز پرانیستی دی. په مرکز کې تر اوسه ۶۵۰ کسان داخل شوي چې وړیا تعلیم ترلاسه کوي. ویډیويي رپورټ.
په پکتیا کې د چاپېریال ساتنې اوونۍ لمانځلو په پار د ولایت اوسېدونکو او فعالانو د ښار پاکولو کیمپېن کړی دی. فعالان وايي، د دې کار موخه د چاپېریال ساتنې په اړه اګهي پیدا کول دي. ویډیويي رپورټ.
د صبریو لیونخېلو سیمه له خوست ښاره شاوخوا ۴۵ کیلوميټره لېرې ده او په تېرو دوه لسیزو کې سختو جګړو او ناامنیو ځپلې ده.
د پکتیا ولایت په مرکز ګردېز کې يو شمېر لوبډلو د رزمي لوبو ورزشي نندارې کړې دي. د دې نندارو منتظمين وايي، له دې نندارو يې موخه د هغو ځوانو ورزشکارانو ستایل او هڅول دي، چې په دې وروستیو کې يې د لوبو په ډګر کې پکتیا ته بریاوې او ویاړونه ور په برخه کړي دي.
د خوست په تڼیو ولسوالۍ کې دوه میاشتې مخکې د والیبال د اتلولۍ په لړ کې سیالۍ د مې پر ۲۲مه پای ته ورسېدې. د اتلولۍ پایلوبه د مندوزیو لوبډلې وګټله. په سیالیو کې د خوست د بېلابېلو ولسوالو ۳۰ لوبډلو برخه واخیسته. ویډیويي رپورټ.
د افغانستان په لوګر ولایت کې د سنځل ګل دودیزه مشاعره شوې چې پکې د هغه ولایت ترڅنګ د افغانستان د نورو برخو شاعرانو، لیکوالانو او د ادب مینوالو ګډون وکړ. د مشاعرې ګډونوالو د سولې سره د مینې او له جګړې د کرکې په اړه شعرونه وویل.
د طالبانو د ټرافیکو لوی ریاست دې کار لپاره درې میاشتې موده ټاکلې وه، خو په خوست کې د خواو شا یو نیم لکو موټرو څخه تر اوسه څه د پاسه لس زره کسانو خپل موټرونه ثبت او راجسټر کړي دي.
پر ډنډپټان پاکستان ته تلونکي ناروغان اسانتیاوې غواړي
د زرغون خوست په نوم د ۵۰ لوبډلو تر مينځ د فوټبال لوبې، چې نېږدې دوې میاشتې مخکې پیل شوې وې، د خوست مرکز اړوند د "ورغه کلي" لوبډلې په بریا پای ته ورسېدې. د یادو لوبو د نندارې لپاره هره ورځ د خوست له بېلابېلو سیمو سلګونه کسان ورتلل او د خپلې خوښې لوبډلې يې په چکچکو او تودو ولولو تشویقولې.
د لوبو یو منتظم نصیب الله مشال راډيو ته وویل چې له دې سیالیو يې موخه د ځوانانو یووالی، له نشه يي توکو څخه د ځوانانو راګرځول او ښوونې روزنې ته د ماشومانو او ځوانانو هڅول ول.
د خوست روغتیايي مسوولین وايي، هلته د وینې کمښت یا تېلېسیمیا په ناروغۍ نېږدې ۱۰۰۰ ماشومان اخته دي. په خوست کې د دې بیماری د ناروغانو درملنه یو خیریه بنسټ کوي.. تېلېسیمیا د وینې یو ډول جینیټکي وژونکې ناروغي ده، چې د مور او پلار څخه اولاد ته لیږدول کیږي. تفصیل د نجیب الله الوخیل په وېډیو کې
د خوست د اسماعیل خېلو او مندوزیو په ولسوالۍ کې، د ځايي خلکو لخوا د سیمې د یو نړیدلي پل په خپل لګښت د جوړېدو چارې پیل شوې. د خلکو او ګاډو د تګ راتګ لپاره دا مهم پل بارانونو اوسیلابونو خراب کړی وو. خلک وايي، حکومت د یاد پله د جوړېدو چارې پر مخ نه وړلې نو ځکه هغوی د چندو په پیسو کار پیل
په خوست کې د کوچني اختر په مناسبت د پکتیا او خوست ورزشکارانو تر مينځ د نیزه وهنې سیالۍ وشوې. خوست د ورزش برخې مسوولین وايي، په راتلونکي کې افغانستان د بېلابېلو ولایتونو ترڅنګ پاکستانیو لوبډلو ته په هغو سیالیو کې د ګډون بلنه ورکوي. تفصیل د نجیب الله الوخېل په ویډیوکې.
په خوست کې د کوچني اختر په مناسبت د دې ولایت او دا ډول د پکتیا او کندهار د فوټبال لوبډلو تر مينځ لوبې پیل شوې چې شپږ ورځې به دوام کوي. مسوولین وايي، موخه يې د ورزشکارانو تر مينځ پېژندګلوي، د مهارتونو لوړول او د اختر په ورځو کې د خلکو لپاره ساتېری دی. تفصيل د نجيب الله الوخېل په ويډيو کې.
په پکتیا کې د شاتو سوداګر او فارم لرونکي وايي، اړونده ادارې او ناحکومتي سازمانونه دې ورسره په بازار موندنه کې مرسته وکړي. د پکتیا ګبین د خپل خوند او کیفیت لپاره مشهور دي. د طالبانو د حکومت چارواکي وايي، په هغه ولایت کې د شاتو د موچیو ۲۷۴ فارمونه دي چې هر کال ۵۲۸ ټنه ګبینی پیدا کوي. ویډیويي رپورټ.
د افغانستان په خوست کې د روژې له پیله له بې وزله، معلولینو او اړمنو خلکو سره د ځايي خیریه بنسټونو لخوا د مرستو بهیر چټک شوی دی. دا بنسټونه له ځايي سوداګرو او شتمنو همداشان له بهر میشتو خوستوالو مرستې راټولوي او بیا يې پر اړمنو خلکو ویشي. تفصیل د نجیب الله الوخېل په وېډیو کې
د خوست په حکیم تڼیوال پارک کې زرګونه خلک هغه ډله ییز روژه ماتي ته ورغلي ول چې ځوانانو جوړ کړی وو. د اپرېل ۱۰مې روژه ماتي منتظمین وايي، د دې کار موخه د ځوانانو ترمینځ د یووالي ټینګوال او همکاریو پراخول دي. نور په ویډیويي رپورټ کې.
د تېر کال په څېر سږ کال هم په خوست کې د روژې ۱۰ اووره کرکټ لیګ په نوم سیالۍ پیل شوې دي چې پکې ۱۶ لوبډلې برخه اخلي. په سیالیو کې د افغانستان د کرکټ یوشمېر نومیالي لوبغاړي هم ګډون کوي. د لیګ منتظمین وايي، د کرکټ لوبو لیدو ته ګڼ خلک ورځي. ویډيويي رپورټ.
د سوېټزرلينډ نړیوالې پرمختیايي ادارې په خوست کې لسګونه بېوزله کورنیو ته وزې ور ووېشلې. د دې ادارې کارکوونکي وايي چې له دې کاره يې هدف يې د بېوزله، کونډو او معلولینو له کورنیو سره مرسته کول دی.
نور وښیئ
