د اوکراين د خارکېف اوسېدونکو د فبرورۍ پر ۲۴ مه پر دغه هېواد د روسیې د يرغل د درې کالونو پوره کېدو په موقع يوه دستوره جوړه کړې وه. په دستوره کې هغو پوځيانو ته د عقيدت پېرزونې وړاندې شوې چې په جګړه کې وژل شوي دي. اسرار عالم مومند د مشال رېډيو د خبر مرکزي څانګې ویډیو پښتو کړې ده.
د مشال راډیو خبریالانو هغه اسناد لیدلي او شننه یې کړې چې پکې د ۱۶۵،۵۸۴ پوځیانو نومونه، رتبې، په روغتون کې د بسترېدو او ورڅخه د فارغېدو نېټې، د درملنې ځای، د ټپونو او د هغوی د خدمت یا کار د ټولیو په اړه معلومات شامل دي.
روسیې د ۲۰۲۲ز کال د فبرورۍ پر ۲۴مه پر اوکراین پراخ یرغل پیل کړ چې درې کاله یې پوره شول. د اوکراین یوشمېر اوسېدونکي وايي د بریا هیلې لري، خو هغه واقعیتونه او وضعیت هم په پام کې نیسي چې په تېرو کلونو کې خورا بدل شوی دی.
خبریال ماریان کوشنېر د یوشمېر ویجاړوونکو جګړو فلمونه جوړ کړي. هغه د خپلو ژورنالېسټیکي انعامونو یا جایزو په اړه نه غږېږي بلکې د دې پر ځای د یو زاړه سړي په اړه خبرې کوي چې ده ورسره د راپور ورکولو پر مهال له سیمې څخه په وتلو کې مرسته کړې وه.
په تېرو میاشتو کې له یو لړ پرمختګونو ښکاري چې د طالب مشرانو ترمینځ مخالفتونه تر بل هر وخت زیات شوي دي. د طالبانو د حکومت ځینې لوړپوړي چارواکي له خپل مشر ملا هبت الله اخوندزاده سره د مخالفتونو په سبب له افغانستانه وتلي دي. د صفي الله ستانکزي راپور وګورئ.
د امریکا د بهرنیو چارو د وزارت ویاند ټېمي بروس په ریاض کې تر غونډې وروسته خبریالانو ته وویل چې دا ناستې د ولسمشر ډانلډ ټرمپ او د هغه د روسي سیال ولادیمیر پوتین د هغه ټېلېفوني خبرو په تسلسل کې شوې
د هغه هېواد د کورنیو رسنیو یوشمېر سرچینو، چې د موضوع د حساسیت له وجې یې د نوم نه خپرولو غوښتنه وکړه، مشال راډیو ته تایید کړه چې د طالبانو د غوښتنې پر بنسټ یې د فبرورۍ له ۱۳مې څخه د سیاسي بحثونو خپرونې بندې کړې دي.
پولیس وايي، د جرمني په میونېښ (مونشن) ښار کې یو سړي لارویان په موټر وهلي دي چې پکې لږ تر لږه ۲۸ تنه ژوبل شوي دي. پولیس وايي، پېښه د فبرورۍ پر ۱۳مه سهار شاوخوا ۱۰ نیمې بجې شوې ده. دوی وايي، د ګاډي ډرېور یې نیولی چې یو ۲۴ کلن افغان پناه غوښتونکی دی. نور د رویټرز اژانس له ویډیو په جوړ رپورټ کې.
بیان په تورخم کې د طالبانو د سرحدي پولیسو له قوله وايي چې هغه کسان په اسلام اباد کې نیول شوي ول چې له دوو څخه تر پینځو ورځو پورې د پېښور په حاجي کیمپ بندیان ول.
امریکا غواړي چې که کییف په راتلونکو میاشتو کې له روسیې سره پر اوربند موافقه وکړي نو په اوکراین کې دې انتخابات وشي. شنونکي وايي، احتمالي انتخابات ښايي د اوکراین له سیاست او په څو میاشتو کې هلته د جګړې ختمولو په برخه کې د امریکا له هڅو سره مرسته وکړي.
د ټرمپ په فرمان کې نه دا نه ده روښانه شوې چې کوم هېوادونه، پروژې یا پروګرامونه یا د مرستو ترلاسه کوونکي به ورڅخه اغېزمنېږي او دا هم واضحه نه ده چې دا به د امریکا پر هغې وفاقي بودیجې څنګه اغېز وکړي چې پکې کانګرس وار له مخه بهرنۍ مرستې مشخصې کړې دي.
د جرمني پولیس وايي چې یو افغان وګړی یې د باوېریا (بایرن) ایالت په یو پارک کې د یو ماشوم او یو سړي د وژلو او درې کسانو د ژوبلولو په تور یې یو افغان وګړی نیولی دی. پولیس وايي، هغه سړي د جنورۍ پر ۲۲مه د اشافنبورګ په یو پارک کې پر هغو کسانو د چړو ګوزارونه کړي دي. نور په دې ویډیو کې.
نور وښیئ
هېڅ میډیايي سرچینه اوس نشته
