په کوټه، پېښور او سوات کې د کتابونو خپروندویه ټولنې وايي چې په ۲۰۲۳ز کال کې په پښتو ژبه شاوخوا ۲۵۰ کتابونه خپاره شول. موږ په دې رپورټ کې په ۲۰۲۳ز کال کې د کتابونو خپرېدو او معیار ته کتنه کړې ده.
حکومت او شنونکي وايي چې په ۲۰۲۳ز کال کې په خیبر پښتونخوا کې ناامني زیاته شوه. د حکومت په وینا، د کال له پیله د ډېسېمبر تر ۲۹مې پورې په صوبه کې لسګونه وړې او لویې حملې وشوې چې پکې سلګونه ولسي وګړو او امنیتي سرتېرو ته مرګژوبله واوښته. موږ په دې رپورټ کې په ۲۰۲۳ز کال کې د امنیت وضعیت ته کتنه کړې ده.
په پاکستان کې تر څو کلونو وروسته په ۲۰۲۳ز کال کې سیاسي کړکېچ ژور شو. د شنونکو په باور داسې ښکاري چې واک د منتخب حکومت پر ځای تر ډېره له امنیتي ادارې یا اېسټیبلېشمنټ سره وو. دا هغه دعوه ده چې پوځ په بیا بیا رد کړې. په رپورټ کې مو په ۲۰۲۳ز کې په پاکستان کې سیاسي پرمختګونو او بدلونونو ته کتنه کړې ده.
د پښتنو نجونو او ښځو د ستونزو په اړه د ځانګړې خپرونې "نوې نړۍ" په دې برخه کې پر دې بحث شوی چې د پښتنو په سیمو کې د کار و روزګار د کمي له وجې يوشمېر کسان نورو هېوادونو ته د ګټې وټې لپاره ځي او تر ډېرې مودې له کوره ليرې ژوند تېروي.
د پښتنو نجونو او ښځو د ستونزو په اړه د ځانګړې خپرونې "نوې نړۍ" په دې برخه کې پر دې بحث شوی چې د پښتنو په ښاري سیمو کې د سړيو تر څنګ يو شمېر ښځې هم د خپلو ماشومانو د ساتنې او روزنې لپاره کارونه کوي.
د پاکستان د کورنیو چارو لنډمهالي وزیر سرفراز بګټي هم د ډېسېمبر پر اتمه په اسلام اباد کې خبري غونډې ته وویل چې د حقاني د پاسپورټ ترلاسه کولو په اړه معلومات نه لري خو پلټنې یې پیل کړې دي.
د جمعيت علمای اسلام (ف) مشر مولانا فضل الرحمان د ډېسېمبر پر پينځمه په اسلام اباد کې له خبريالانو سره د خبرو پر وخت وويل چې خیبر پښتونخوا او بلوچستان له "ناامنۍ" سره مخامخ دي. نوموړي په داسې حالاتو کې د راتلونکو عامو انتخاباتو پر امکان شک څرګند کړ.
په داسې حال کې چې په پاکستان کې په وروستیو کې د پولیو واکسیني کیمپېن ترسره شو، په اورکزیو کې یو ماشوم ګوزڼ وهلی دی. دا په ۲۰۲۳ز کال کې په پاکستان کې د پولیو شپږمه پېښه ده چې څلور یې په خیبر پښتونخوا کې او دوه په سیند کې ثبت شوې دي. تفصیل په رپورټ کې.
د ګوند په حیث د تحریک انصاف مشکلات تر هغې وروسته پیل شول چې کله په پاکستان جمهوري غورځنګ (پي ډي اېم) کې شاملو ګوندونو د ۲۰۲۲ز کال په اپرېل کې عمران خان د عدم اعتماد له لارې د وزیراعظمۍ له څوکۍ ګوښه کړ.
په پاکستان کې د ماشومانو د حقونو ملي کمېشن له سیاسي ګوندونو څخه غوښتي دي چې په خپلو انتخاباتي منشورونو کې دې د ماشومانو د حقونو موضوع هم شامله کړي. دا غوښتنه کمېشن د نومبر پر ۲۰مه بېلابېلو ګوندونو ته په استولي لیک کې کړې ده. تفصیل په رپورټ کې.
د پاکستان د دولتي بانک د ووبپاڼې له مخې، هغه هېواد د ۲۰۲۳ز کال تر جون پورې ټول ۱۲۴ اربه ډالر بهرني پورونه لرل چې له چین، سعودي عرب، متحده عربي اماراتو، امریکا او د پیسو له نړیوال صندوق (ای اېم اېف) څخه اخیستل شوي دي.
نور وښیئ
هېڅ میډیايي سرچینه اوس نشته
