د دې اونۍ "د مشال تر رڼا لاندې" کې په پاکستان کې پر پرله پسې کيمپېنونو برسېره د پولیو وایرس د نه ختمېدو پر لاملونو بحث شوی دی. د ډېسېمبر پر ۱۶مه له بلوچستانه پرته د هېواد د درېواړو صوبو په لسګونو ضلعو کې د ګوزڼ شپږ ورځنی واکسيني کيمپېن پیل شو چې پکې تر پينځو کلونو پورې عمر لرونکي څه باندې ۴۰ مېلیونه ماشومانو ته څاڅکې ورکول کېږي. په بلوچستان کې کیمپېن د روغتیايي کارکوونکو د کاربندیز له وجې کیمپېن وځنډېد. په پاکستان کې سږ کال تر اوسه پورې ۶۳ ماشومان ګوزڼ وهلي دي. بشپړ بحث وګورئ.
د مشال تر رڼا لاندې
جمعه ۲۰ دسمبر ۲۰۲۴
د دې اوونۍ "د مشال تر رڼا لاندې" کې مو د مدرسو رجسټرېشن د مسودې پر سر د حکومت او د جمعیت علمای اسلام (ف) د مشر مولانا فضل الرحمان ترمینځ پر اختلافاتو خبرې کړې دي. دا لانجه تر هغې وروسته پیل شوه چې د پاکستان ولسمشر اصف علي زرداري د روان ۲۰۲۴ز کال په اکتوبر کې له پارلېمانه د مدرسو د ثبتولو پر منظور شوي بېل له لاسلیکه انکار وکړ او د بیا کتنې لپاره يې پارلېمان ته ولېږداوه. په بحث کې له ګډونوالو سره دا پوښتنه څېړل شوې چې د دې لانجې اصل وجه ده څه؟ بشپړ بحث وګورئ.
