کراچۍ: د پاکستان د بشري حقونو کمیشن (ایچ ار سي پي) وايي چې د سند حکومت دي د مذهبي لږکیو (اقلیتونو) د ژوند ، کورونو او جایدادونو د خوندي کولو لپاره ګامونه پورته کړي.
د یاد سازمان چارواکي وايي چې د کراچۍ په ښار کې د لږکیو کورنۍ له خپلو کورونو پر کوچېدو مجبور شوي دي او اوس یې امنیتي ځواکونه پر مېنه خپل مرکزونه جوړول غواړي.
دا په داسې وخت کې ده چې د کراچۍ له لیارۍ سېمې په دې ورستیو کې د بدامنۍ له کبله د مذهبي لږکیو په سلګونه کورنۍ د ښار نورو برخو ته کډه شوې دي .
