چارواکي وايي په کورمه ایجنسۍ کې نن ماسپښین په یوه ټرافیکې پیښه کې یو تن مړ او څلور نور زخمیان شویدي.
د پولیټیکل انتظامیې ترمخه، په « اړولې » سیمه کې د ټل نه صدې ته روان یو شخصي موټر په یوې پیچومې کې د تاویدو پرمهال له موټر چلونکي څخه بې قابو شو او یوې ژورې کندې ته پریوتلو.
یو ځايي چارواکی مشال راډیو ته وویل، په پیښه کې د ژوبل شویو ټولو کسانو حالت ښه نه دی او هغوی د نور علاج لپاره هنګو ته لېږدول شوي دي.
د ده په خبره، مړ شوی کس عبدالمالک نومیږی چې د هغه تعلق د مسوزو سیمې سره دی.
په خیبر پښتونخوا او قبایلي سیمو کې خلک وايي د سرکونو حالت ښه نه دی چې له کبله یې اکثره وخت ترافیکي پېښې رامنځ ته کیږي.
