د خان عبدالولي خان کونډه او د عوامي نیشنل ګوند ( ولي ) مشره مېرمن نسیم ولي خان وايي سره د دې چې عمر یې زیات او و جود یې کمزوری دی ، خو د پښتنو د حقونو لپاره بیا هم خپلې مبارزې ته ادامه ورکوي.
مېرمن نسیم ولي خان د مشال راډیو خبریال خالدخان سره ځانګړې خبري کړي او وايي لسګونه کلونه پخوا یې کورنۍ د باچاخان په مبارزه کې شامله شوې وه او ترننه یې دغې مبارزې ته ادامه ورکړېده.
نسیم ولي خان وايي د ذوالفقار علي بوټو په حکومت کې عبدالولي خان او د هغه ملګري په بند کې واچول شول، په ګوند یې بندیز ولګید او په همدغو ورځو کې هغې عملي سیاست کې ګډون پيل کړ.
نوموړې زیاتوي :
(( په دې کې شک نشته چې بوټو یو جینیس « نابغه » سیاست وال و ، خو زه به ورسره د evil « بد » ټکی هم اضافه کړم ، نو ویلی شو چې هغه یو « بد نابغه » و . ))
نسیم ولي خان وايي پښتنې میرمنې له پیړیو راهیسې د جرات سمبول دي، له ملالې میوندۍ نیولې تر ننه پورې چې پښتنو میرمنو کله هم اړتیا محسوسه کړې نو د هیڅ ډول قربانۍ څخه یې درېغ نه دی کړی.
نوموړې په دې مرکه کې له ډیرو سیاسي رازونو پرده پورته کړېده.
