ولسمشر ممنون حسین د ډاکټر قبله ایاز او له هغه سره د کونسل د نورو نوو غړیو د ګمارلو منظوري ورکړی ده.
ډاکټر قبله ایاز او د هغه همکاران به تر راتلونکو درو کلونو له اسلامي نظریاتي کونسل سره کار کوي.
د پاکستان اسلامي نظریاتي کونسل ټول شل غړي لري چې پکې د لسو غړو د کار موده تېر کال پوره شوې وه.
پروفیسر ډاکټر قبله ایاز تر دې وړاندې په پیښور پوهنتون کې د اسلامي او مشرقي علومو د زده کړو د څانګې مشر وو.
د مشال راډیو خبریال عبدالحي کاکړ له ډاکټر قبله ایاز سره هغه ته د سپارل شوې نوې دندې په اړه مرکه کړې ده.
