په کالو خان کې د جومات او درمسال دېوال شریک دی
د خیبر پښتونخوا د صوابۍ په کالو خان کې د یوه پخواني درمسال او جومات دېوال یو دی. د سیمې اوسېدونکي وايي، پخوا چې هلته هندوان اوسېدل نو هغوی به درمسال ته تلل او مسلمانانو به یې څنګ ته په جومات کې لمونځ کاوه. د سیمې اوسېدونکي وايي، اوس د درمسال وداني خرابه ده او د پرېوتو وېره یې ده. د خیبر پښتونخوا چارواکي وايي، ژر به سیمې ته پوهان ورواستوي او درمسال به ورغوي. ویډیويي رپورټ وګورئ.
