د مشال مرکې خپرونې په دې برخه کې مو د خیبر پښتونخوا د اطلاعاتو له وزیر شوکت یوسفزي سره خبرې کړې دي. نوموړی تر سیاست مخکې خبریال وو او د ۱۹۸۰ز لسیزې په پای کې یې په افغانستان کې خبریالي کوله.
دی وايي، له ۱۹۹۶ز کال راهیسې د عمران خان ملاتړی وو او په تحریک انصاف ګوند ورګډ شو.
یوسفزی تر دې مخکې هم په خیبر پښتونخوا کې د تحریک انصاف د تېر صوبايي حکومت یو مهم سیاستوال وو او د وزیر په توګه یې دنده تر سره کړه.
شوکت یوسفزي په مرکه کې د خپل تعلیم، خبریالۍ او سیاسي ژوند په اړه مفصلې خبرې کړې دي چې تاسې یې د غږ په ځای کې اورېدای شئ.
