سوات کې د ناامنۍ ضد مظاهره شوې
د سوات د مینګورې په نشاط چوک کې لسګونه کسانو تر هغې یوه ورځ وروسته مظاهره کړې چې د سېپټېمبر پر ۱۳مه په سړک غاړې بمي برید کې د امن کمېټۍ او لښکر د یوه مشر په ګډون اته کسان ووژل شول. تحریک طالبان پاکستان د رېموټ کنټرول بمي حملې ذمه واري منلې وه. د سېپټېمبر ۱۴مې مظاهرې ګډونوال وايي، انتظامیه دې د وسله والو د فعالیتونو مخه ونیسي. انتظامیه او پولیس وايي، هېڅوک د امنیت خرابولو ته نه پرېږدي. ویډیويي رپورټ.
