خيبر پښتونخوا کې د ناامنۍ ضد احتجاجونو لاملونه څه دي؟
په دا وروستيو کې د خيبر پښتونخوا په بېلا بېلو سيمو کې د ناامنيو پېښو ولسي غبرګونونه پارولي دي. د قبايلي ضلعو تر څنګ په سوات، دير او ملاکنډ کې د هدفي بریدونو، چاودنو او د ناامنۍ تر پېښو وروسته په ګڼ شمېر کې ولسي وګړيو لاریونونه کړې او پرلتونه يې وهلي دي. په تېرو وختونو کې د خيبر پښتونخوا په بېلا بېلو سيمو کې د ترهګرۍ يا ناامنۍ پرضد دا ډول هممهاله ولسي غبرګونونه ډېر کم تر سترګو شوي دي. دا چې د ځايي ولس د دا ډول غږ پورته کولو تر شا څه لاملونه دي او د دې به څه اغېز وي؟ د مشال راډيو خبريال مجيد بابر يې په اړه راپور لري.
