پېښور کې د هنرمندانو ټولنو په عدالت کې د افغان هنرمندانو لپاره درخواست داير کړی دی
هنري ټولنه او مفکوره چې د خیبر پښتونخوا د هنرمندانو د پالنې او د هغوی د حقونو د لاس ته راوړلو لپاره جوړه شوې ټولنې دي، د افغان کډوالو خلاف د پولیسو سختۍ اندېښمن کړې دي. د یادو ټولنو مشران وايي، که پولیسو افغان کډوال هنرمندان مجبوره کړل چې بیرته هیواد ته ستانه شي نو هغوی به په افغانستان کې له بدمرغۍ ډک ژوند ولري. هنري ټولنې د مفکورې ټولنې سره یو ځای په پېښور های کورټ کې یو درخواست هم جمع کړی چې پکې د دغو افغان هنرمندانو د نه چېړلو غوښتنه شوې ده. د مشال راډیو لپاره له پېښوره وقاص سحر پرې یو ویډیويي راپور جوړ کړی دی.
