د خوست او دوبۍ ترمنځ د شخصي کمپنۍ پروازونه پیل شو
د جون پر دویمه د خوست له نړیوال هوايي ډګره دوبۍ ته او بېرته خوست ته د خصوصي شرکت کام اییر الوتنې پیل شوې. د شرکت چارواکي وایي چې الوتکې به یې په اوونۍ کې دوه ځلې خوست او دوبۍ ته پروازونه ولري. د خوست، پکتیا او پکتیکا او دا راز د ډیورند کرښې پورې غاړې زرګونه اوسېدونکي په عربي هېوادونو کې پر کار او مزدورۍ بوخت دي. مساپرو د دې کار هرکلی وکړ او د الوتنو د بهیر روان ساتلو غوښتنه یې وکړه. ویډیویي رپورټ