راشد خان: افغان لوبغاړو د بريا په باور لوبه کوله
د افغانستان د ۲۰ اووره کرکټ د ملي لوبډلې مشر راشد خان وايي له بنګلادېش سره یې سیالي سخته وه خو افغان لوبغاړو په دې باور لوبه کوله چې بریا به د دوی په برخه وي. نوموړي له سیالۍ وروسته رسینو ته په وینا کې وویل چې په هغې سیالۍ کې څو واره داسې موقعې راغلې چې د کتونکو په اند دوی د بايللو خوا ته روان ول، خو د هغه په وينا بیا هم د ټولو افغان لوبغاړو په همکارۍ او همت دغه بايلل په بریا بدل شول. د جون پر ۲۵مه افغانستان بنګلادېش ته په ماتې ورکولو سره د ۲۰۲۴ز کال د ۲۰ اووره نړيوال جام نيمه پايلوبې يا سېمي فاینل ته ووت. په دې اړه د اسوشيېټېډ پرېس اژانس له ویډیوجوړ راپور وګورئ:
