پکتیا کې د لسګونو ځوانانو لپاره د کسبي زده کړو پروګرام پیل شوی
په پکتیا کې د ۲۱۰ز ځوانانو لپاره د خیاطۍ، د موبایل ټېلېفونونو او برېښنايي نظام او الاتو د ترمیم په برخو کې د کسبي زده کړو پروګرام پیل شوی دی. ځوانان وايي خوشاله دي چې کسب به زده کړي او په ازاد بازار کې به کار پیل کړي. پر افغانستان د طالبانو له واکمنېدو راهیسې هلته د بېکارۍ کچ لوړ شوی او ډېری ځوانان په خطرناکو او قاچاقي لارو بهرنیو هېوادونو ته د تګ هڅه کوي. ملګري ملتونه وايي په افغانستان کې د اړمنو او بې وزله خلکو شمېر شاوخوا ۳۴ مېلیونه ته رسېدلی دی. ویډیويي رپورټ.