په سوات کې په ولسي غونډه کې زرګونه کسانو ګډون کړی
د سېپټېمبر پر ۲۷مه په مينګوره کې په زرګونو خلکو د امن لپاره مظاهره وکړه، چې تابیا یې د سوات قامي جرګې او مدني ټولنو کړې وه. ګډونوالو د ترهګرۍ پر ضد او د امن په حق کې شعارونه ورکړل. په مظاهره کې سیاستوالو، سوداګرو او فعالانو ویناوې وکړې او په صوبه کې یې د ممکنه پوځي عملیاتو مخالفت وکړ. دا مظاهره د سېپټېمبر پر ۲۴مه په بازخېله کې د پولیسو پر ګاډي د وسلوالو د برید او د دوه سرتېرو د ژوبلېدو وروسته وشوه. په هغه برید کې په ځوابي ډزو کې دوه وسلوال هم وژل شوی ول. په وروستیو کې په سوات کې د ناامنۍ پېښې زیاتې شوي دي چې مرګژوبله یې اړولې ده.حکومت وایي په سیمه کې امنیت راوستو ته ژمن دي. ویډیویي رپورټ
