په خوست کې د مطالعې دودولو نندارتون پرانیستل شو
د ډېسېمبر په ۱۵مه په خوست کې د کتاب لوستلو ته د ځوانانو د هڅونې او تشویق په خاطر د "رڼا" تر سرلیک لاندې د کتابونو درې ورځنی نندارتون پرانیستل شو. نندارتون د اطلاعاتو او فرهنګ ریاست په نوښت جوړ شوی او د خوست عامه کتابتون او یو شمېر ځايي کتاب پلورنځیو خپل کتابونه په کې نندارې ته اېښي دي. د "رڼا" کتاب نندارتون کې د ادب، اقتصاد، تاریخ، سیاست او نورو برخو زرګونه ټوکه کتابونه نندارې ته اېښودل شوي دي. ویډیویي رپورټ.