د افغانستان لپاره د ملګرو ملتونو ځانګړې استازې روزا اوتنبایوا وايي طالبان بايد هغه سختدريځه فرمانونه ختم کړي چې پر ښځو یې د بندیزونو لپاره ورکړي دي.
اوتنبایوا د جون پر ۲۱مه په نیویارک کې د ملګرو ملتو امنیت شورا ته د افغانستان په اړه خپل راپور وړاندې کړ. هغې په دغه مناسبت د خپلې وينا په يوې برخه کې وويل چې که په افغانستان کې د طالبانو د سختدريځه حکومت کړنې همداسې روانې وي، د نړۍ هېڅهېواد به یې په رسميت ونه پېژني.
In her briefing to Security Council today, UNAMA head Otunbayeva urged df #Taliban authorities to rescind recent bans, incl. those preventing #Afghan women from working in @UN, to enable UN to continue its full support to the Afghan people.Full briefing: https://t.co/gxZt7zKo1O pic.twitter.com/AiX34eq22v
— UNAMA News (@UNAMAnews) June 21, 2023
اوتونبایوا وویل طالبان له ملګرو ملتونو د رسمیت پېژندنې غوښتنه لري خو د همدې سازمان د منشور خلاف او د نړيوالو ارزښتونو په خلاف کړنې ترسره کوي.
هغې زیاته کړه: "د افغانستان له اوسنیو چارواکو سره په منظمو بحثونو کې زه د هغو خنډونو په اړه په ډاګه غږېږم چې دوی خپل ځان ته د فرمانونو او لګول شویو محدودیتونو له کبله رامنځته کړي. په ځانګړې توګه د ښځو او نجونو په ضد. مونږ دوی ته څرګنده کړې، تر هغو چې دا فرمانونه په خپل ځای وي، دا له امکانه وتلې ده چې حکومت یې د نړیوالې ټولنې د غړو هېوادونو لهخوا په رسمیت وپېژندل شي."
طالبانو د ۲۰۲۱ز کال په اګست کې د افغانستان جمهوري نظام ړنګ کړ او له هغه وخت راهیسې یې پر ښځو يوشمېر بندیزونه لګولي دي. په دې کې له شپږم ټولګي پورته د نجونو پر تعليم او له ناحکومتي ادارو سره د ښځو پر کار بندیزونه شامل دي. طالبان دا موضوع داخلي مسله بولي او وايي، په اړه یې د نړيوالو فشار نه مني.
دا هم وګورئ:
ملګري ملتونه وايي طالبان له القاعده او نورو ترهګرو ډلو سره اړيکې لريبلاول بوټو زرداري وايي طالبان دې نجونو او ښځو ته ټول حقونه ورکړيد افغانستان یوشمېر نومیالیو دیني عالمانو د نجونو پر زده کړو د بندیز ختمولو غوښتنه کړې دهد بشري حقونو د څار اداره پر طالبانو د بندیزونو زیاتېدل غواړيطالبان واک ته له رسېدو وروسته له شپږم ټولګي پورته، د نجونو ښوونځي بند کړل او تېر کال دیسمبر میاشت کې یې د نجونو پوهنتونه هم بند کړل. دوی په کورنیو او نړیوالو ادارو کې د ښځو پر کار کولو بندیز لګولی. د طالبانو حکومت د تېرې اپرېل میاشتې په لومړیو کې د ملګرو ملتونو ښځینه کارکوونکې هم له دندو منعه کړې چې په غبرګون کې یې ملګرو ملتونو په افغانستان کې د کار ودرولو ګواښ وکړ.
د جون پر ۲۱مه، د ملګرو ملتونو د امنیت شورا په غونډه کې روزا اوتنبايوا پر طالبانو نيوکې وکړي چې حکومت یې ټولشموله نه دی. هغې زیاته کړه چې د طالبانو د حکومت جوړښت په بشپړ ډول له نارينوو ډک او نيږدې ټول لوړپوړي چارواکي پښتانه دي. طالبانو تر اوسه په دې اړه څه نه دي ويلي خو په تېرو وختونو کې یې د ټولشموله حکومت غوښتنې رد کړي دي. دوی ادعا کوي چې حکومت یې ټولګډونه دی.