صمد شبنم په کوټه کې د مشال راډیو خبریال دی چې د بلوچستان د پښتون مېشته سیمو په اړه راپورونه جوړوي.
د بلوچستان کروندګرو اتحادیې په کوټه کې د بجلۍ (برېښنا) د زیات لوډشېډينګ (پارچاو) پر ضد د "بېلچه مارچ" په نوم لاریون کړی دی. د نومبر پر ۱۳مه، احتجاج کوونکو له حکومته غوښتنه وکړه چې د کښت لپاره دې لږ تر لږه په شواروز کې اته ساعته بجلي ورکړل شي.
د پاکستان په سېنېټ کې ځينو سېنېټرانو د چمن له پرلتوالو سره ملاتړ ښوولی او پر حکومت یې غږ کړی چې د هغو احتجاج کوونکو غوښتنې ومني. په دغه پرلت کې کاروباريان او هغه پنډيان ګډون لري چې ځايي خلک یې لغړیان بولي. دوی د چمن او سپين بولدک تر مينځ د پنډو وړلو کار کوي.
کروندګرو د نومبر پر دویمه له بلوچستانه د پاکستان نورو برخو ته تلونکې لارې تړلې وې او د اوبو او برېښنا چارو له ادارې (واپډا) څخه یې وغوښتل چې د ورځې دې ورته تر اتو ساعتونو پورې د بجلۍ ورکولو ژمنه عملي کړي.
د غیرقانوني کډوالو د نيولو دوام
د بلوچستان په پښتون مېشته سیمه چمن کې د ګوندونو، سوداګرو او د پنډیانو یا لغړیانو احتجاجي پرلت پر شپږمه ورځ هم دوام لري. دوی د پاکستان له حکومته غواړي چې پر پوله دې له افغانستان سره د تګ راتګ لپاره پاسپورټ او ویزه نه لازمي کوي. ویډیويي رپورټ.
د چمن د سوداګرو د ټولنې مرستيال مشر ولسيار اڅکزي د اکتوبر پر ۲۱مه مشال راډيو ته وويل، د سيمې د خلکو د ژوند ټوله تکيه له سپين بولدک سره پر ازاد تجارت ده او دا چې د هغې پر وړاندې خنډونه ورته هېڅ د منلو نه دي.
د غونډې ګډونوال او د نابیناوو د ټولنې مشر سبحان علي د اکتوبر پر ۱۵ مشال راډیو ته وویل چې حکومت دې هغوی ته د ژوند هر ډول اسانتیاوې برابرې کړي او بېلابېل هنرونه دې ورزده کړي چې له دې لارې کار پيدا کړي او خپل ژوند پر مخ یوسي.
د بلوچستان په سرانان پنډغالي کې مېشت افغان کډوال وايي د اسناد نه لرونکو کډوالو په اړه د پاکستان حکومت وروستۍ پرېکړې له ستونزو او اندېښنو سره مخامخ کړي دي. دا له هغه وروسته ده چې د پاکستان حکومت ناقانونه کډوالو ته د نومبر تر لومړۍ نېټې له هغه هېواده د وتلو امر کړی دی.
احتجاج کونکو له حکومته په پېښو کې د ککړو کسانو د نیولو او د پېښې قربانیانو سره د مالي مرستو غوښتنه کوله
د سېپټېمبر پر ۲۹مه د بلوچستان په مستونګ کې د عید میلاد النبي په مناسبت د غونډې پر مهال او د خیبر پښتونخوا په هنګو کې د تاڼې په جومات کې په درو جلا، جلا ځانمرګو بریدونو کې لسګونه کسان ووژل او ژوبل شول. د روغتیا اداره وايي چې د مستونګ په برید کې د وژل شویو شمېر ۵۹ ته رسېدلی دی.
لېمه ناصر د لورالایي ( بوري) اوسېدونکې ده چې انځورګري کوي، د ښځو سینګار توکي جوړوي او بیا يې پر ټولنیزو رسنیو په انلاين بڼه پلوري. نوموړې وايي، په لومړي ځل له دې کاروبار سره بلده نه وه خو اوس ورسره اشنا شوې ده. د هغې په خبره، اوس خلګ ان لاین ارډر ورکوي چې د.
نن (د سېپټېمبر پر ۲۳مه) د پښتون کلتور ورځ لمانځل کېږي. په کوټه ښار کې د دې ورځې په تړاو بېلابېلې غونډې کېږي.
بلوچستان په پښتون مېشته سیمه لورالایي کې د شین ګلي په نوم بوټې د کرونده ګرو، کروندې اغېزمنې کړي، کرونده ګر وایي د بوټې د مخنیوي لپاره یې ډېري هلي ځلې کړي خو دوی نه دي تونېدلي چې مخه یې ونیسي
د یادې مظاهرې په اړه د پښتونخوا ملي عوامي ګوند صوبايي ویاند کبیر افغان د سېپټېمبر په ۲۱مه مشال راډیو ته وویل، دوی د حکومتي ادارو لخوا د ولس د ځورولو خلاف راوتلي دي
د پښتونخوا ملي عوامي ګوند سیاستوالانو او پلویانو او سوداګرو په کوټه کې د ګمرک (کسټم) ودانۍ مخې ته مظاهره کړې ده. د سېپټېمبر ۲۱مې مظاهرچیانو دعوه وکړه چې د کسټم چارواکي یې پر کاروباري مرکزونو ناقانونه چاپې وهي. د بلوچستان حکومت لا د دې رپورټ تر جوړېدو پورې څه نه دي ویلي. خو د کسټم ادارې چارواکو
سعید خان ناصر د لورالایي اوسېدونکی دی چې په خپل کور کې د غواګانو له خوشاییو (غوشاییو) د سونګ ګیس (ګاز) جوړوي. هغه وایي، په کور کې سکاره او لرګي نه کاروي او په هم هغه ګیس پخلی کوي. ویډیويي رپورټ.
جمعیت علمای اسلام (ف) د هغې چاودنې پرضد په بلوچستان کې کاربندیز کړی دی چې پکې د ګوند د یو مخکښ سیاستوال او پخواني سېنېټر حافظ حمد الله په ګډون ۱۱ تنه ژوبل شول. پښتونخوا ملي عوامي ګوند، د کوټې د کاروباریانو ټولنې او یوشمېر نورو ګوندونو د سېپټېمبر ۱۵مې کاربندیز ملاتړ کړی دی. ویډیويي رپورټ.
د پښتونخوا ملي عوامي ګوند یوشمېر مخکښه مشرانو او لسګونه غړو او پلویانو د سېپټېمبر پر نهمه په کوټه کې د وروستۍ برېښنايي (ډېجېټل) سرشمېرنې او ګرانۍ پرضد لاریون او مظاهره کړې ده. هغه ګوند دریځ لري چې په برېښنايي سرشمېرنه کې په بلوچستان کې د پښتنو ابادي کمه ښوول شوې ده. ویډیويي رپورټ.
پښتون ژغورنې غورځنګ په کراچۍ او کوټه کې د خپلو ملګرو د خلاصولو لپاره د پریس کلبونو مخې ته د مظاهرو اعلان کړی وو خو پولیسو د غورځنګ غړي هلته احتجاج ته پرېنښودل. کراچۍ پریس کلب ته د تلو پر مهال د پي ټي اېم ځیني پلویان پولیسو نیولي هم دي. د اجازې نه ترلاسه کولو وروسته غورځنګ د کراچۍ په صدر او د کوټې
خو حکومت تر اوسه دا نه دي ویلي چې دوی ته د سپریم کورټ مخې ته د جلسې اجازه ورکوي او که نه؟ په دې اړه د صمد شبنم ویډیويي رپورټ وګورئ
نور وښیئ
