د لېويز چارواکو مشال رېډيو ته ویلي چې د اګست پر ۱۶مه د کلاعبدالله په اجرم سیمه کې یو موټر چې ۱۶ کسان پکې سپاره ول، سېلابي اوبو يووړ چې د دوی په خبره، پکې يې ۱۱ کسان ژوندي ژغورلي خو د دوو ماشومانو او درې ښځو مړي يې د شپې ناوخته وموندل.
د هرنايی د کوسټ (خوست) سيمې اوسېدونکو نن د اګست پر ۱۶مه نېټه درېيمه ورځ هم پرلت ته دوام ورکړی دی.
په وژل شوو کې د عوامي نېشنل ګوند خالقداد هم وو. دې ګوند د پېښې پرضد د اګست پر ۱۵مه نېټه د هرنايي، لورالايي، کوټه، لسبيله، ږوب، قلعه سيف الله او ځینې نورو ښارونو مظاهرې وکړې.
په هرنايي کې د بلوچستان عوامي پارټۍ غړي ملک روح الله ترين د اګست پر ۱۴مه مشال رېډيو ته وويل چې د اګست ۱۳مې او ۱۴ ترمينځ شپې مهال نامعلومو وسله والو د امنيتي ځواکونو پر پوسته بريد وکړ
د پوځ د عامه اړیکو دفتر (ای اېس پي ار) د اګست پر ۱۴مه ویلي دي چې امنیتي ځواکونو د وسله والو برید شنډ کړ. په بیان کې راغلي، وسله وال تر حملې وروسته نېږدې غرونو ته وتښتېدل او چې ځواکونو یې د نیولو هڅه وکړه نو په ډزو کې دوه سرتېري قیوم جاوېد او محمد عاطف ووژل شول.
شهباز شریف د اګست پر لومړۍ نېټه په یو ورځني سفر کوټې ته د رسېدو پرمهال ویلي چې د سروې تر بشپړېدو وروسته به د بلوچستان سېلاب ځپلو ته مرستې ورکوي.
عدالتي کمېشن ته ویل شوي چې په ۳۰ ورځو کې دننه به حکومت ته په دې اړه رپورټ وړاندې کوي چې د پوځ په عملیاتو کې وژل شوي کسان رښتیا هم لادرکه وو که نه د بېلتون غوښتوونکو ملګري وو؟
د جولای په ۲۳مه، په کوټه کې د پښتو ادبي غورځنګ له لوري د شاعر او فوکلوریسټ اروښاد پروفېسر ولي محمد سیال کاکړ یاد غونډې ته د بلوچستان د پښتون مېشتو سیمو په ګډون د خېبر پښتونخوا څخه هم لیکوالان او شاعران ورغلي او د نوموړي پر ژوند او ادبي خدماتو یې ګډون والو ته مقالې واورولې.
لانګو په کوټه کې خبري غونډې ته وویل، په زیارت کې د امنیتي ځواکونو د عملیاتو پر مهال په وژل شویو کې هغه پینځه کسان هم شامل دي چې نومونه یې د ورکو بلوڅانو په نوملړ کې ول.
په کوټه کې د پي ډي اېم اې مشر نصیر احمد ناصر د جولای پر ۱۷مه مشال راډيو ته وويل چې بارانونو د بلوچستان په ۲۲ ضلعو کې تاوانونه اړولي دي خو ډېر نقصان په کوټه، پښین، ژوب، دوکۍ، ګوادر، تربت، کلا سیف الله او پنجګور کې اوښتی.
د سيند پوليس وايي چې د جولای ۱۴مې مظاهرو او د خلکو مالونو ته د زيان رسولو په تړاو يې تر ۶۰ زيات کسان نيولي دي. اخوا په بلوچستان کې لېویز ځواک ویلي چې وسله والو په زیارت کې د پوځ یو کرنل تښتول او وژلي وو او په غبرګون کې یې چې دوی د لټون عملیات کول نو دوه مشکوک وسله وال یې ووژل.
په بلوچستان کې د قدرتي افتونو پر وخت د انتظام ادارې مشر نصیر احمد ناصر پر رابطه کولو سربېره له خبرو ډډه وکړه. خو د بلوچستان د زراعت وزیر اسدالله وايي، دوی تر خپله وسه د سېلاب ځپلو مرسته کړې ده.
نور وښیئ
هېڅ میډیايي سرچینه اوس نشته
