له مشال راډیو سره په خبرو کې د راولپنډې بیروني صدر ډي ایس پي ساجد ګوندل وویل چې د خفیه معلوماتو په بنیاد د پولیس د محکمې اهلکارانو د چکري علاقې په یو کور چاپه ووهله چې پکې دوه زنانه او یو نارینه پشمول دوه ماشومان وژل شوې دې.
د ده په وینا چې دې زنانو هم په باقاعده توګه پولیس سره مقابله کړې او حمله یې هم کړې ده.
ده وویل چې ځني کسان هم د دې علاقې نه نیول شوې دې چې تفتیش ترې روان دې خو دا لا واضحه نه ده چې د هغې وسله والو سره تعلق شته او که نه.
"په دې انښته کې دوه خو ماشومان وو. د دې نه علاوه دوه زنانه هم وې چې په باقاعده توګه هغې سره لګیا وې او حمله یې هم وکړه ، یوه چاودنه یې هم اوکړه او دې سره یو نارینه هم وو. دا کسان په دغه علاقه کې په کراې اوسیدل. د دې نه علاوه ځني کسانو نه تفتیش هم روان دې خو دا لا واضحه نه ده چې دا څوک دی"
خپلو خبرو کې نوموړي زیاته کړه چې په دې نښته کې د پولیس د ایلیټ فورس یو سب انسپکټر هم وژل شوې دې او درې نور ژوبل شوې دې.
ده دا هم وویل چې د یو پولیس اهلکار حالت د اندیښنې وړ دې.
ژوبل شوې پولیس اهلکاران د راولپنډې ضلعې هسپتال ته لیږل شوې دې.
پولیس دا دعوا هم کوي چې د مبینه وسله والو د کور نه یې وسله هم نیول ده خو تفصیل ورکولو نه یې ډډه اوکړه او دا یې هم وویل چې پولیسو لخوا د علاقې لټون روان دې.
