د پېښور په ارمي سکول کې د وژل شوو ماشومانو کورنیو د هغې پېښې د پلټنو لپاره د خپلواک عدالتي کمېشن غوښتنه کړېده.
د شهدا فورم په نامه د یادو کورنیو غورځنګ دا غوښتنه د چارششنبې پر ورځ په هغه غونډه کې کړې ده چې د خیبر پښتونخوا حکومت د دې پېښې د یو کال پوره کېدو په اړه جوړه کړې وه.
د شهدا فورم مشر فضل خان اډوکېټ له غونډې وروسته مشال راډیو ته وویل،مرکزي او صوبايي حکومت دوی ته د انصاف ورکولو لپاره اړین ګامونه نه دي اخیستي.
د خېبر پښتونخوا د اسمبلۍ سپیکر او د واکمن تحریک انصاف مخکښ اسد قیصر ویلي چې د شهدا فورم د غوښتنې پرمخ وړلو لپاره به د ټولو ګوندونو یو کمېټۍ جوړوي.
د یادونې وړ ده چې د پاکستان پوځ تر دې وړاندې ویلي وو چې د پېښور پر سکول برید کې ککړو ځینو کسانو ته یې پانسۍ ورکړې دي.
