د پاکستان په ګډون په درسته نړۍ کې د جون ۲۶ مه د منشېاتو د مخ نېوي ورځې په توګه لمانځلې کيږي او موخه یې اولس د منشېاتو د نقصان نه خبرول او د دې د مخ نيوي لپاره شعور رابېدارول دي.
د ملګرو ملتونو د منشېاتو د مخ نيوي اداره UNODC د راپور ترمخه چې په پاکستان کې ۶۷ لکه خلک نشه ييز توکي او غېر قانوني درمل استعمالوي چې پکې زېات شمېر ۲۵ نه تر ۳۹ کالو عمر پورې د خلکو دی.
په راپور کې وېلې شوي دي چې۶۷ لکو کې دوه څلوېښت ۴۲ لکه کسان په مکمله توګه په نشو روږدي دي.
بلخوا د امريکا ېوه مجله فارن پاليسي په خپل ېو راپور کې وايي چې په پاکستان کې هر کال قريبا دوه نيم لکه پورې خلک د نشه ييز توکو د استعمال له وجې مري.
مشال راډېو چې کله د نشه یيزو توکو د مخ نيوې ادارې (اېنټي نارکوټکس فورس) وېاند سميع خان نه تپوس وکړو چې اداره يې په ملک کې د منشېاتو د مخ نيوي لپاره څه ګامونه پورته کوي؟ نو هغه وویل چې عمله يې په مختلفو تهانړو، چوکو او نورو حساسو ځاېونو کې موجوده وي او د نشه یيزو توکیو د خرڅونکو او اخېستونکو پرضد کاررواېانې کوي.
د نوموړي وینا وه چې اېنټي نارکوټکس فورس په درېوو طريقو سره کار کوي لومړی خو دا چې د قانون مطابق د نشه ييزو توګو د قاچاق مخ نيوی کوي.
دوېمه دا چې د منشیاتو د نقصاناتو په هکله په خلکو کې په مختلفو طريقو سره آګاهې راپېدا کوي ېعني د اخبارونو او ټې وي د لارې اشتهارونه چلوي، طبي کېمپونو د لارې اولس ته معلومات ورکوي، په کالجونو او سکولونو کې د نشه ييزو توکیو د نقصاناتو په اړه لېکچرې ورکوي، مختلفو غېر سرکاري ادارو سره په ګډه کار کوي. له دې نه علاوه د موسيقۍ او لوبو پروګرامونو د لارې هم په خلکو کې شعور رابېداروو.
او درېمه دا چې د نشېانو علاج لپاره هم زموږ ادارې په کوټه، کراچۍ او اسلام اباد کې سېنټرې هم جوړې کړې دي.
د ېوې پښتنې په ځواب کې د سميع خان وېنا وه چې په پاکستان کې قريبا څلوېښت فيصده پورې نشیان چرس استعمالوي.
مشال راډېو چې کله په اسلام اباد کې د نشېانو د علاج ېو مرکز الفلاح سېنټر مشر ډاکټر عبدالغيور خان نه د ېادو خلکو د علاج په اړه وپوښتل نو هغه وویل چې د داسې خلکو علاج بالکل ممکن دی او د څلورو نه تر شپږو مېاشتو علاج ورسته دوي ښه کېدای شي او په ېو مريض د مېاشت په سر د شل نه تر پنځويشت زره روپو پورې مصرف راځي.
د ډاکټر عبدالغيور په وېنا چې سېنټر ته يې د علاج په غرض راتلونکي مريضانو په شمېره کې ورځ په ورځ اضافه روانه ده او پکې د زېات شمېر مريضانو عمرونه د شپاړس نه تر څلوېښت کالو په مېنځ کې وي.
