ګلان کیمپ ته نوې ورغلې وزیرستانۍ کورنۍ سرپناه غواړي
د خوست په ګلان کیمپ کې مېشت وزیرستاني کډوال وايي، په تېر یو کال کې هلته شاوخوا ۸۰۰ کورنۍ ورغلي چې سرپناه نه لري او تر اوسه ورسره هېڅ اړینې مرستې نه دي شوې. دوی غوښتنه کوي چې اړونده ادارې او موسسې دې له خوست او پکتیکا څخه ورغلې کورنۍ رجسټر کړي. د طالبانو حکومت وايي، هڅه کوي چې د ټولو وزیرستانیو کډوالو اړتیاوې پوره کړي. ویډیويي رپورټ.
