فرهاد شینواری په خیبر کې د مشال راډیو خبریال دی او د هم هغې سیمې پر سیاسي، اقتصادي او ټولنیزو موضوعاتو خبریالي کوي.
په ورته وخت کې د پاکستان د شناختي کارتونو ادارې «نادرا» او همدا رنګه د پلټنو فیدرلي ادارې «اېف اې ای» هم ویلي چې په تورخم کې د کډوالو د ستنېدو لړۍ تېزه شوې او هلته لوی بیروبار جوړ دی
پولیسو د اکتوبر پر ۲۸مه د کراچۍ په بېلابېلو جوماتونو کې اعلانونه وکړل او و یې ویل چې د ټولو ناقانونه کډوالو د ایستلو لپاره اقدامات کوي. په کراچې کې مېشتو یوشمېر افغانانو وویل چې په خورا ارزانه بیه یې کاروبارونه خرڅ کړل او اوس ورته حکومت د نغدو پیسو د وړلو اجازه هم نه ورکوي.
هغه وویل "دا ګاډي د چمن څخه راځي او دلته یې خلک اخلي، دا درګۍ د پاټکه پورې اجازت لري، مخکې هم حکومتونو دا مسله راپورته کړې ده. په دې ګاډو دلته خلک خپلې مزدوریانې کوي، که دوی په دې ټیکسونه لګوي نو موږ ورته تیار نه یو."
په تورخم کې د ګمرک چارواکي وایي په تېره یوه اوونۍ کې د کډوالو تر ۴۰۰ زیاتې لارۍ افغانستان ته اوښتي دي چې په هر ګاډي کې څلور یا پینځه ګډې بار وي.
افغانستان اوښتو ته منتظرو ځینو کډوالو د اکتوبر پر ۱۲مه مشال راډیو ته وویل چې یو خو په لارو کې له سخت مشکل سره مخامخ ول او بيا وروسته په تورخم کې هم له کړاو سره مخامخ دي.
د طالبانو د حکومت د دفاع سرپرست وزیر ملا محمد یعقوب مجاهد د اکتوبر پر پينځمه په کابل کې یوې غونډې ته په وینا کې وویل چې له پاکستانه د افغانانو د ایستلو پرېکړه "غیر عادلانه" ده.
د سېپټېمبر پر ۲۲مه د باړې په شلوبر کې د بلدیاتي ادارې د کلیو شورا (وېلېج کونسل) د مشر (چېرمېن) عارف الله اپرېدي پر کور د لاسي بم برید شوی وو چې پکې دوه مشکوک بریدګر ژوبل شوي ول. هغه مهال د سیمې اوسېدونکو تور پورې کړی وو چې په برید کې پولیس ککړ ول.
د لنډي کوتل مرستیال کمشنر ارشاد مومند د سېپتېمبر پر ۲۹مه مشال راډیو ته وویل چې د خیبر پښتونخوا د قبایلي سیمو د مځکو ریکارډ هم داسې جوړل په کار دی لکه د نورو بندوبستي سیمو هغه چې جوړ شوی دی.
ځایي خلک او د خیبر ضلعي پولیسو تصدیق کړې چې په ژوبلو کې یو حاضر سروس پولیسو سپاهي دی او یو ورسره عادي تن وو چې هغه برید یې پلان کړی وو.
د سېپټېمبر د ۱۶مې نېټې په سهار د تورخم دروازه د مساپرو او تجارانو پر مخ یو ځلې بیا پرانېستل شوه. دا لاره د سېپټېمبر په شپږمه په تورخم کې د طالب سرتېرو او پاکستاني ځواکونو ترمنځ د ډزو له تبادلې وروسته تړل شوې وه.
د سېپټېمبر پر ۱۵مه د خیبر انتظامي چارواکو مشال راډیو ته وویل چې سهار مهال یې د مهاجرت (اېمیګرېشن) او ګمرکي (کسټم) چارو کارکوونکي تورخم ته واستول. د هغوی په خبره، لومړی یې د پاسپورټ او ویزو لرونکو تګ راتګ بحال کړ او له افغانستانه مال وړونکي ګاډي هم وراوښتي دي.
یو ډرېور ضیا الحق مشال راډیو ته وویل چې په ټرک کې یې غوړي بار کړي دي او جلال اباد ته یې لېږدول غوښتل خو د لارې تړل کېدو له کبله بند پاتې شو او اوس له ډېر مشکل سره مخامخ دی.
د پاکستان او د طالبانو د حکومتي سرتېرو ترمینځ تر نښتې وروسته د تورخم لاره پر پینځمه ورځ هم تړلې ده او دواړو خواوو ته سلګونه مال وړونکي ګاډي ولاړ دي. د سېپټېمبر پر ۱۰مه د دواړو لوریو چارواکو د لارې بیا پرانیستو په اړه غونډه وکړه خو نتیجې ته و نه رسېدل. ویډیويي رپورټ.
دروازې د تړل کېدو په درېیمه ورځ هم د زرګونو په شمېر کې خلک د تورخم نه پورې راپورې ایسار پاتې دي چې پکې ځینې یې ناروغان هم دي. د تورخم لاره د سېپټېمبر په شپږمه د پاکستاني ځواکونو او د طالب سرتېرو ترمنځ له ډزو وروسته وتړل شوه
د دواړو خواوو چارواکي او عیني شاهدان وايي، د سېپټېمبر پر شپږمه طالبانو په تورخم کې خپل لوري ته یوه پوسته جوړوله خو چې د پاکستان امنیتي ځواکونو منع کړل نو نښته پیل شوه او پکې سپکې او درنې وسلې استعمال شوې.
د پېښور حیات اباد انډسټریل سټیټ ځينې صنعتکاران وايي نامعلومه کسان ترې باج یا قلنګونه غواړي. د سیمې یو کاروباري خان ولي د سېپټمبر پر پینځمه مشال ريډیو ته وويل چې په پېښور او خوا وشا سیمو کې کارخانه دارو ته د نامعلومه کسانو له خوا ټېلېفونونه کېږي او پیسې ترې غوښتل کېږي.
نور وښیئ
