نجیب الله الوخېل په خوست کې د مشال راډیو خبریال دی او د خوست، پکتیا، پکتیکا او لوګر پر حالاتو رپورټونه جوړوي.
په خوست کې د پېښو سره د مبارزې د چمتووالي ریاست چارواکي وايي، چې د روان لمریز کال په ۷ میاشتو کې د سیلابونو، توفانونو او سختو ګلیو له کبله ۳۸ کسان وژل شوي او ۵۲ نور ټپیان شوي دي.
په لوګر کې یو شمېر ځوانانو او محصلانو له څو ورځو راهیسې د یاد ولایت پوهنتون لپاره د کتابونو د راټولولو کمپاین پیل کړی دی.
په خوست کې ۶۳ ښوونځيو لپاره د ودانیو د جوړولو کار پیل شو، یادې ودانۍ چې ودانیزې چارې به يې د یو کال په موده کې سرته ورسیږي، ۳۶۵ میلیونه افغانۍ ورباندې لګښت کیږي.
د یو شمېر نورو ولایتونو په شان په لوګر کې هم د ولسي جرګې نوماندان او مدني فعالان د ووټونو په پروسه کې د سرغړونو او درغلیو یادونه کوي.
د خوست د ولایتي شورا غړي، روڼ اندي او قومي مخور وايي، دا هېواد هغه مهال له شته ستونزو او ناخوالو څخه راوتلی شي، چې افغانان په صادقانه ډول په خپلو کې یو بل ته د ورورۍ لاسونه ورکړي، یو بل وزغمي او پردیو ته اجازه ورنکړي، چې په دوی کې تفرقې واچوي.
د شنبې په ورځ د خوست یو شمېر مدني فعالانو او قومي مشرانو د یوې خبرې ناستې پر مهال د امنیتي ګواښونو له کبله د یاد ولایت په اتو ولسوالیو کې د رای اچونې د ۲۷ مرکزونو د تړل کیدو پرېکړه ناسمه وبلله.
د لوګر یو شمېر بڼوال او بزګر وايي، چې د افغان حکومت لخوا دوی ته پدې وروستیو کې د ممیزو یو شمېر خونې جوړې شوي چې پدې سره يې د انګورو ضایعات لږ شوي او اقتصادي يې ورسره ښه شوی دی.
د خوست ملکي او پوځي چارواکو د ولسي جرګې له نوماندانو وغوښتل، چې د ځینو احتمالي ګواښونو له کبله دې په خپلو ټاکنیزو کمپاینونو کې د سترو غونډو له جوړولو ډډه وکړي.
د پنجشنبې په ورځ د افغانستان د څلورو نورو ولایتونو په شان په خوست کې همد پوهنې وزارت له پرمختیايي بودیجې څخه د ۲۱۵ میلیونه افغانیو په لګښت د نمونوي لیسې لپاره د تدریسي کمپلیکس د جوړولو کار پیل شو.
د خوست د ښار او کور جوړولو ریاست چارواکي غوښتنه کوي، چې خلک دې په ښار او د ښار په نږدې سیمو کې له خپلسرو او غیر پلاني ابادیو ډډه وکړي.
په لوګر کې یو شمېر بڼوال او بزګران وایي، چې د انګورو باغونه یې وچکالۍ، طبیعي افتونو او نباتي ناروغیو ځپلي چې له کبله يې د نورو کلونو په پرتله حاصلات کم شوي دي.
د خوست صنعت کاران وايي، چې د دوی تولیداتو د افغانستان په بیلابیلو ولایتونو کې ښه بازار پیدا کړیدی.
د لوګر چارواکي وايي، چې پل علم ښار ته پدې وروستیو کې ماسټر پلان تصویب شوی او نور به دا ښار د همدې پلان په رڼا کې پراختیا پیدا کوي.
د سولې لپاره د افغان ښځو د اجماع فعالانې وايي، دوی به د افغانستان ولایتونو ته د سفرونو له لارې د سولې په باب د ښځو نظرونه او غوښتنې راټولې او د سولې یو ګډ غږ بهاوچت کړي.
د پکتیکا د مرکز اړوند د خواجه خېلو د سیمې د اوبو د سربند د جوړولو چارې چې لس زره هکټاره ځمکه به ورڅخه خړوبیږي، پیل شوې.
که څه هم په وروستیو کلونو کې هڅه شوې، چې د خوست په مرکز کې د حکومتي ادارو د ودانیو ستونزې راکمې شي او مامورینو ته مناسب کاري چاپیریال برابر شي، خو ځايي چارواکي وايي، چې په نږدې راتلونکې کې به په ولسوالیو کې هم د ادارو د ودانیو او وسایلو د کمښت ستونزه حل کړي.
د خوست ولایت د پوهنې ریاست مسوولین وايي، چې په یاد ولایت کې د لویانو لپاره د لیک لوست پروګرامونو ښه نتیجه ورکړې او دوی غواړي، هغو ټولو سیمو ته یاد پروګرامونه وغځوي، چې لویان يې د لیک لوست حاصلولو ته لیوالتیا ولري.
د جمعې په شپه د پکتیکا په مرکز ښرنه کې د اطلاعاتو او فرهنګ ریاست او ولایت مقام لخوا په ګډه د سلیمان غر دودیزه مېله او کلنۍ مشاعره جوړه شوه.
د خوست اوسیدونکي، د ولسي جرګې نوماندان او د بیلابیلو ټولنیزو بنسټونو مدني فعالان وايي، د ټاکنو د کمیسیون په چارو کې د زورواکو مداخلې، د تذکرو د وېش روان بهیر، د نوماندانو د لیست څخه د زوراکو او هغو خلکو پر ځای چې نظام ګواښي، د پاکو خلکو ایستل دوی د ټاکنو پر بهیر بې باوره کړي دي.
په خوست کې د سیاسي ګوندونو غړي او د مدني ټولنو فعالان وايي، کچیرې پدې هېواد کې سیاسي ګوندونه، ټولنیز سازمانونه او خپلواک شخصیتونه د ملي مسایلو په باب یو ګډ دریځ غوره کړي، نو کولی شي د افغانستان اوږدې غمیزې ته د پای ټکی کیږدي.
نور وښیئ
