په روغتیا او درملنه خپرونه کې پر چېکنګنیا او ډېنګي تبو غږېدلي یو. د روغتیا نړیوال سازمان وايي چې دواړه وایرسي ناروغۍ دي چې د یو خاص ډول ماشي له چیچلو خپرېږي. سازمان وايي چې هغه ماشي عموماً ورځې مهال چیچل کوي. ډاکتران وايي چې د دواړو ناروغیو علامات یو بل ته ورته وي.
د باجوړ ضلعې یوې مېرمنې له خپلې پلارګنۍ څخه په جاییداد کې خپله برخه اخیستې. د سلارزو عبدالله جان وایي چې مور د شاوخوا شپږ کاله تر عدالتي او قانوني کاروایانو وروسته په وراثت کې خپل حق ترلاسه کړ. د دې اونۍ په پروګرام کې په وراثت کې د ښځو د حق او په دې اړه پر قانون تاسو ته معلومات درکوو.
د دې اونۍ د "هارون باچا هنري ګړۍ" خپرونې مېلمه د سيمې يو پېژندلی رقاص خانزاده اسفنديار خټک دی. نوموړي په پاکستان کې له بېلا بېلو استادانو د "کتک" په نوم هندۍ کلاسيکي نڅا زده کړې. په خپرونه کې د اسفنديار خټک د خبرو تر څنګ د نڅا ځينې نغمې هم اورېدای شئ.
د دې اونۍ "د مشال تر رڼا لاندې" کې مو له شنونکو سره پر دې بحث کړی چې ایا په کورمه کې جګړې د شيعه ګانو او سنیانو د فرقه ییزو اختلافاتو له امله کېږي او که يې نور لاملونه دي چې د فرقه ییز تاوتریخوالي او نښتو په نوم یادېږي. بشپړ بحث وګورئ.
په روغتیا او درملنه خپرونه کې نن پر اېچ ای وي او اېډز غږېدلي یو. د روغتیا نړیوال سازمان هر کال د ډېسېمبر لومړۍ د هغه وایرس او ناروغۍ د مخنیوي او په اړه یې پوهاوي ته ځانګړې کوي. د اېچ ای وي او اېډز په اړه بشپړه خپرونه واورئ.
دا اونۍ مو په مشال مرکه کې په خيبر پښتونخوا کې د پاکستان د بشري حقونو کمېشن کې د شکايتونو څانګې مشره اسما خان مېلمنه کړې ده.
دا اونۍ مو په مشال مرکه د انټرنېټي چارو پوه اصف خان مېلمه کړی دی. نوموړی د باجوړ دی او د اروپا په پرتګال کې د معلوماتي ټېکنالوژۍ چارو په شرکت کې کار کوی. د نوموړي په خبره، اوسنی دور د ټېکنالوژۍ دی چې پکې پر انټرنېټ بندیز لګول یا محدودول د هېواد په ګټه نه تمامېږي. بشپړه مرکه واورئ.
د دې اونۍ د "هارون باچا هنري ګړۍ" خپرونې مېلمه د سيمې يو ځوان او پېژندلی سندرغاړی بلال جمشېد دی. نوموړی د مردان دی، خو موده کېږي چې له خپلې کورنۍ سره په پېښور کې اوسي.
د دې اونۍ "د مشال تر رڼا لاندې" بحث په اسلام اباد کې په زور د پاکستان تحریک انصاف (پي ټي ای) د احتجاج ختمولو بېلابېلو اړخونو، لاملونه او اغېز ته ځانګړی شوی دی. د پاکستان امنیتي ځواکونو د نومبر پر ۲۶مه شپې مهال د پي ټي ای د احتجاج ختمولو لپاره عملیات وکړل. بشپړ بحث وګورئ.
په روغتیا او درملنه خپرونه کې نن په مېکروبو کې د دواګانو پر وړاندې د مقاومت پر موضوع غږېږو. د روغتیا نړیوال سازمان دا د انسانانو، ځناورو او چاپېریال لپاره یوه جدي مسله بولي. روغتیاپالان وايي، په خپل سر د دواګانو خوړل او بې له نسخې درمل کارول په جراثیمو کې د مقاومت یو لوی لامل دی. بشپړه خپرونه واورئ.
دا اونۍ د مشال راډیو په پاډکاسټ "نا ویلې خبرې" کې پر ښځو د تشدد په اړه خبرې شوې دي. په پاډکاسټ کې دا ځل راسره د بشري حقونو مبارزه نیلم رحیم او وکیله مهوش محب کاکاخېل مېلمنې دي. بشپړه خپرونه واورئ.
د دې اونۍ د "هارون باچا هنري ګړۍ" خپرونې مېلمه د پېښور يو پېژندلی سندرغاړی عزت ګل دی. نوموړی وايي، کورنۍ يې کلونه پخوا د ننګرهار له پچيره اګام ولسوالۍ څخه پېښور ته کډه شوې. د عزت ګل په خبره، هنري زده کړې يې هم په پېښور کې له بېلابېلو استادانو کړې دي او له تېرو شاوخوا ۲۸ کلونو راهيسې سندرې وايي.
نور وښیئ
