د بلوچستان چارواکو د نومبر له پیل راهیسې پر چمن بې له پاسپورټ او ویزې تګ راتګ درولی دی او وایي چې دا ګام یې په هېواد کې د امنیت ساتلو او قاچاق د مخنیوي په خاطر اخیستی دی.
د نانبایانو د ټولنې مرستیال مشر محمد اکبر مشال راډیو ته وویل، د ګرانۍ له وجې د صوبې د نورو برخو په څېر د کوټې نانبایان د ډوډۍ نرخ زیاتول غواړي خو حکومت یې نه پرېږدې او حال دې ته رسېدلی دی چې نانبایان ډوډۍ خرڅوي خو په کور کې ډوډۍ نه لري.
د غورځنګ لسګونه پلویانو دا لاریون د نومبر له ۱۷مې پیل کړی دی. لاریون کونکي د چمن او سپین بولدک ترمینځ د ازاد تګ راتګ د ملاتړ ترڅنګ له پاکستانه د بې اسناده افغان کډوالو په زوره د نه ایستلو غوښتنه کوي او غواړي چې د غورځنګ نیول شوي اته کسان خوشې کړل شي.
د کروندګرو د ټولنې یو مخکښ مشر کاظم اڅکزي د نومبر پر ۱۶مه مشال راډیو ته وویل چې بزګر او باغوانان به د کاربندیز پر مهال د بلوچستان لویې لارې تړي او د برېښنا بېلونه به هم نه پرې کوي.
د تاجرانو اتحاديې او سياسي ګوندونو دا پرلت د اکتوبر پر ۲۱مه پيل کړی او غوښتنه کوي چې د چمن او سپين بولدک ترمينځ پر سرحدي دروازه دې د پخوا په شان پر پاکستاني شناختي کارډ او افغان تذکرې د تګ راتګ اجازه ورکول شي.
د پاکستان په سېنېټ کې ځينو سېنېټرانو د چمن له پرلتوالو سره ملاتړ ښوولی او پر حکومت یې غږ کړی چې د هغو احتجاج کوونکو غوښتنې ومني. په دغه پرلت کې کاروباريان او هغه پنډيان ګډون لري چې ځايي خلک یې لغړیان بولي. دوی د چمن او سپين بولدک تر مينځ د پنډو وړلو کار کوي.
د روان پرلت مخکښ غوث الله د نومبر پر ۱۱مه مشال راډیو ته وویل چې دوی به تر هغه وخته ناست وي چې پاکستان خپله پرېکړه بیرته نه وي اخیستې.
د کوټې د سېول روغتون چارواکي وايي چې د یاد روغتون یو کارکوونکي غفار اڅکزي د کراچۍ په یوه روغتون کې سا ورکړې ده. نوموړی د نومبر په نهمه نېټه د درملنې لپاره کراچۍ ته لېږدول شوی وو.
د ګوند یو ویاند وايي، د کوټې پولیسو هغه تر هغې وروسته د جماعت اسلامي په دفتر کې نظربند کړ چې نوموړي د نومبر پر نهمه خبري غونډې ته وویل چې د جمعې پر ورځ د چمن د پرلتوالو ملاتړ ته ورځي.
د اېن ډي اېم د بلوچستان وياند اېمل خان ناصر رسنیو ته په لېږدولې خبرپاڼه کې ادعا کړې چې په کوټه کې یې پولیسو د مرکزي عمومي سېکرټر مزمل شاه کور محاصره کړی وو. د هغه په وينا، هلته محسن داوړ موجود وو چې وروسته ورته وويل شول چې هغه د چمن په پرلت کې ګډون نه شي کولی.
محمود خان اڅکزي د نومبر پر شپږمه د بلوچستان په سرحدي ښار چمن کې روان احتجاجي پرلت ته په خپله وینا کې وویل، دا مهال چې په پاکستان کې له افغانانو سره کوم ناوړه چلند روان دی هغه دوی ته د منلو وړ نه دی.
په اېف ای ار کې ویل شوي چې د نومبر په څلورمه یې په کچلاخ کې د جلسې پر مهال دوی د بې اسناده افغان کډوالو په حق کې شعارونه ورکول او لویې لارې یې بندې کړې وې.
نور وښیئ
هېڅ میډیايي سرچینه اوس نشته
