د عبدالرحمان خان د لومړي تلين لمانځغونډه د “نړيوالې پښتو ټولنې” په نوم يو تنظيم د مې پر ۲۱مه په زېده کې جوړه کړې وه.
په پاکستان کې په وروستيو کې د عدليې او اېسټیبلېشمنټ ترمينځ ناندرۍ زياتې شوې دي. د اسلام اباد های کورټ شپږو ججانو د سپريم کورټ مشر قاضي ته ليک لېږلی وو چې د هغه هېواد استخباراتي ادارې د عدليې په چارو کې لاسوهنه کوي.
د خیبر پښتونخوا د اعلاوزیر او ګورنر ترمینځ ناندرۍ تر هغې وروسته پیل شوې چې څو ورځې مخکې کونډي وویل چې ګنډه پور دې د تحریک انصاف د زنداني رهبر عمران خان د خوشې کولو لپاره بې ځایه څرګندونې نه کوي.
د مشال راډیو د خبرونو مرکزي څانګې موندنې ښيي چې پر امنیتي اندېښنو سربېره په یوشمېر مرکزي او ختیزو اروپايي هېوادونو کې د دوو داسې چینايي شرکتونو د څارګرو کیمرو کارول زیات شوي دي چې له چینايي دولت سره اړیکي لري. داهوا او هېکوېژن د نړۍ پر کچ د څارګرو کیمرو جوړوونکي تر ټولو لوی شرکتونه دي.
د مې پر دویمه د ترهګرې ډلې القاعدې د پخواني مشر اسامه بن لادن د وژنې ۱۳ کاله پوره شول. نوموړی په ۲۰۱۱ز په اېبټ اباد کې د امریکا د ځانګړو ځواکونو په عملیاتو کې وژلی وو چې له وجې یې د اسلام اباد او واشنګټن ترمینځ تعلقات خراب شول.
د ملګرو ملتونو پرمختیايي پروګرام (یو اېن ډي پي) وايي چې د پاکستان نیمايي ابادي انټرنېټ ته لاسرسی نه لري. هغې ادارې په تازه رپورټ کې ویلي دي چې د پاکستان د څه باندې ۸۰ فیصده ښځو موبایل یا ګرځنده ټېلېفونونه د سړیو په کنټرول کې دي.
په پاکستان کې د ټولنیزو شبکو فعالانو پر اېکس، چې پخوا ټوېټر نومېده، پر محدودیتونو اندېښنې ښوولې دي. په هغه هېواد کې حکومت پخوا هم پر مختلفو ټولنیزو شبکو محدودیتونه لګولي دي. خو دا ځل حکومت د ټولنیزو شبکو او رسنیو لپاره د قوانینو د سختولو خبره کړې ده. نور په دې رپورټ کې.
د روغتیا نړیوال سازمان (ډبلیو اېچ او) وايي چې پاکستان په نړۍ کې د تور ژیړي یا هېپاټایټس سي تر ټولو زیات مریضان لري. هغه سازمان په وروستیو کې د ۲۰۲۴ز کال لپاره په خپل رپورټ کې ویلي دي چې په پاکستان کې ۸۸ لکه وګړي په هېپاټایټس اخته دي. تفصیل په دې رپورټ کې.
د بلوچستان پر لویو لارو د حادثو پر وخت د خلکو ژغورونکې اداره ۱۱۲۲ وايي، په بلوچستان کې د ناامنیو پرتله په ټرېفیک حادثو کې زیات خلک وژل کېږي.
د ايران له خوا د اپرېل پر ۱۳مه ناوخته پر اسراييلو د توغندیو او ډرونونو تر حملو وروسته د تهران او اسراييلو ترمینځ ترېنګلتيا لا زیاته شوې ده. ايران ولې پر اسراييلو مستقیماً حملې کړې او ایا د دې پر پراخه جګړې د اوښتو امکان شته او که څنګه؟ مشال راډیو دا پوښتنې د ايرانیو چارو له پوه ډاکټر عیسا ستانکزي
د خیبر پښتونخوا شانګله د طبیعي یا قدرتي ښکلا او زېرمو لپاره نوم لري خو ډېری اوسېدونکي یې د بې وزلۍ له وجې د پاکستان په لیرې پرتو سیمو کې د سکرو په کانونو کې کار ته اړ دي. په دې رپورټ کې د شانګلې د شاه پور کلي دوو اوسېدونکو بلال انګار او فضل رحیم لوهار څرګندونې اورېدای شئ.
په وروستیو کې په شمالي وزیرستان او شاوخوا سیمو کې بریدونه او د وسلوالو او امنیتي ځواکونو ترمینځ نښتې بیا زیاتې شوې دي. د سیمې اوسېدونکي وايي، ناامنۍ په ذهني او رواني (نفسیاتي) پرېشانیو او خپګان اخته کړي دي. دوی وايي، خلک چې له یو بل سره ناست وي نو زیاتره وخت پر ناامنۍ خبرې او بحث کوي.
نور وښیئ
هېڅ میډیايي سرچینه اوس نشته
