د مشال تر رڼا لاندې

دامریکا د بهرنیو چارو وزیره هیلري کلنټن د افغانستان او پاکستان په دوره ده.

هغې په کابل کې د افغان ولسمشر حامد کرزي تر څنګ له نورو جګپوړو چارواکو سره ولیدل او هلته په خپلو خبرو کې یې وویل چې د افغانستان د سولې بهیر سره ملاتړ کوي او دا سفر یې سیمې ته په داسې مهال کېږی چې لادوړاندې د امریکا او پاکستان تعلقات تر بل هروخت خراب دي.

پاکستان ته په دغه کړکېچنو ډپلوماټیکي حالاتو کې د هیلري کلنټن سفر د امریکا او پاکستان پر اړیکو څه اغېز کولای شي.دا او له دې سره تړلې نورې پوښتنې مو د مشال تر رڼا لاندې ځانګړې بحث کې له کارپوهانو سره څېړلي دي.چې له لندنه شنونکی جان محمد اڅکزی او له پېښوره ریټایرډ بریګېډییر محمد سعد برخه لري.

ددغه بحث کوربه داود خټک دی.

دامریکا د بهرنیو چارو وزیره افغانستان او پاکستان په دوره ده.

د پاکستان وزيراعظم یوسف رضا ګیلاني ويلي چې له بلوچستان سره به نورو نا انصافي بيخي برداشت نکړي اوزياته کړې چې د خلکو د محرومی د ختمولو لپاره کور پر کور ګرزيدو ته تيار دی.

نوموړي داخبرې د صوبې د دوه ورځني سفر په مهال کوټه کې د پنځه زره ځوانانو په پاکستاني پوځ کې د شامیليدو دستورې ته وینا پر وخت کړی دی.


نوموړي زياته کړه چې په صوبه کې به شل زره بې روزګارانو ته د روزګار موقع برابروي او ددې ترڅنګ به نوري داسي پروزي پيليږي چې په کې خلکو ته روزګار پيدا شي.

به بلوچستان کې ځیني بلوڅ بيلتون پاله وسله والي ډلي له پاکستانه د بيليدو مبارزه کوي.

که څه هم د ولسمشر اصف علي زرداري په مشري د پيپلز ګوند حکومت د بلوچستان د ناهيليو د ختمولو لپاره تير کال د آغاز بلوچستان په نوم يو پيکیج اعلان کړی وو خو زياتره خلک وايې چې ورباندي هيڅ عمل نه دی شوی .

بلوڅ ملت پالو د وزيراعظم تازه څرګندوني رد کړې او ويلي دا د پخوانيو واکمنو په شان تش سیاسی بيان او ژمني دي.

له بلوڅانو سره د روغې لپاره د هغوی کور ته ورځم.ګیلاني دمشال تر رڼا لاندې بحث دلته واورئ

يوسف رضا ګیلا نی د بلوچستان دا دوره په داسي حال کې کوي چې د پاکستان له امريکا او افغانستان سره اړيکې له کړکېچ سره مخامخ دي.

پو ښتنه داده چې د پاکستان په کورني او خارجی وضع ته په پام سره د يوسف رضا ګیلاني بوچستان ته سفر څه معنی درلودلی شي او آيا دده څرګندوني به بلوڅ ازادي غوښتونکی مطمئنه کړي.

دا مشال تر رڼا لاندی بحث موضوع ده. د بلوڅ ملت پاله ګوند نيشنل پارټی يو مشر ډاکټر اسحاق بلوڅ او په کوټه کې خبريال سید علی شاه د بحث ميلمانه دي چي کوربه يط عبدالحی کاکړ دی.