د مشال تر رڼا لاندې

د قبائلي سيمو د بيلي صوبې د جوړيدو يا په خيبر پښتونخوا کې د ور ګډيدو په اړه د عوامي نيشنل ګوند او د قبائلي سيمو د پارليمان د غړو د ګډي کميټی يو غړی منير اورکزۍ وايي چې ددې مسئلې په حل کې لږ څه پر مختګ شوی دې.

د قبائلي سيمو د پارليمان د زياترو غړو دريځ د بيلي صوبې جوړيدل دي خو د عوامي نيشنل ګوند وينا ده چې په قبائلي سيمه او خيبر پښتونخوا کې يو شان پښتانه وسې نو پکار ده، دا سيمه په صوبه ورګډه کړل شي.

د مشال تر رڼا لاندې بحث کې عبدالحۍ کاکړ په دې لړ کې شوي پرمختګونو او ورسره تړلي نوري ستونزې څيړلي دي. د قبائلي سيمي د قامي اسمبلۍ غړی منير خان اورکزۍ او د عوامي نيشنل ګوند د قامي اسمبلۍ غړې بشرا ګوهر د بحث ميلمانه دي.

افغانستان کې د وروستیو هم مهالو بریدونو په اړه ویل کیږي چې ترشا یې د حقاني شبکې لاس لرلو ، او دانګیرنو له مخې دا شبکه دپاکستان په قبایلي سیمو کې پټنځایونه لري.

په داسې حال کې چې د واشنګټن او اسلام اباد اړیکې لا د مخکې نه ټیټې کچې ته رسیدلي، ایا دا ډول لوی بریدونه به ددواړو هیوادونو ترمنځ واټن نور هم زیات کړي او که نه ؟

د دې اونۍ د مشال تر رڼا لاندې بحث هم دې موضوع ته ځانګړی شوی، د خپرونې کوربه عبدالحۍ کاکړ دی او میلمانه یې دفاعي کارپوه سعد محمد خان او پخوانی ډیپلوماټ ایاز وزیر دي. دابحث دلته اوریدلای هم شئ.