د مشال تر رڼا لاندې

د مشال تر رڼا لاندې بحث پاڼې ته ښه راغلاست.

د دې اوونۍ په خپرونه کې پاکستان کې له طالبانو سره د سولې خبرو په لار کې د ستونزو، خنډونو او مشکلاتو په اړه له پوهانو سره غږېږو.

په بحث کې د پوځي چارو پوه او د پاکستان پوځ پخوانی برېګېډییر محمود شاه، خبریال او د سیاسي چارو پوه قهار زلمی، او د ډېره اسماعیل خان ګومل پوهنتون سیاسیاتو څانګې استاد عزیز الله خان مېلمانه دي.

خپرونه تاسې د غږ (ږغ) په ځای کې اورېدای شئ.

امریکا او طالبان سلا شوي دي چې د سولې خبرې وکړي. دا پریکړه وروسته تر دې واشنګتن وکړه چې د جون په ۱۸ د قطر په مرکز دوحه کې طالبانو سیاسي دفتر پرانیست.

که یوه لور ته امریکا او طالبان غواړي چې خبرې سره وکړي، بل لور ته کابل ویلي دي چې په دې خبرو کې به ګډون ونه کړي.

که دوه اړخه د روغې جوړې پر خبرو موافق شوي دي او دریم مهم اړخ له دې خبرو لرې پاتیږي، بیا به هم د روغې جوړې دا خبرې نتیجه ورکړي؟