د پاکستان په کراچۍ کې د سلګونو افغان کډوالو زده کوونکو يو ښوونځی د پیسو د نه شتوالي له امله تړل شوی او بل د بندېدو په حال کې دی. په ۲۰۲۱ز کال کې په افغانستان کې د طالبانو تر واکمنېدو وروسته، هغه ښوونځي له مالي مرستو بې برخې پاتې شوي دي. نور د اسوشيېټډ پرېس اژانس په ویډیويي رپورټ کې.
د نړۍ د بېلابېلو هېوادونو په مرکزونو کې لسګونه ایرانیانو د مهسا امیني د لومړي تلین په مناسبت مظاهرې کړې دي او په ایران کې یې د ښځو د حقونو غوښتنه کړې ده. ۲۲ کلنه مهسا امیني د ګشت ارشاد په نوم پولیسو د حجاب قانون سرغړونې په تور نیولې وه چې د هغوی په حراست کې بېهوښه شوې وه.
د پښتنو نجونو او ښځو د ستونزو په اړه د "نوې نړۍ" خپرونې په دې برخه کې د "بې جوړه ودونو" پر موضوع بحث شوی دی. دا چې په پښتني ټولنه کې د بې جوړه ودونو اغېز څه وي، په دې خپرونه کې يې واورئ.
د سېپټېمبر د ۱۶مې نېټې په سهار د تورخم دروازه د مساپرو او تجارانو پر مخ یو ځلې بیا پرانېستل شوه. دا لاره د سېپټېمبر په شپږمه په تورخم کې د طالب سرتېرو او پاکستاني ځواکونو ترمنځ د ډزو له تبادلې وروسته تړل شوې وه.
د پاکستان د پلټنو وفاقي ادارې (اېف ای اې) او د پېښور پولیسو د سېپټېمبر پر اوومه د پېښور په چوک یادګار کې د پیسو د ناقانونه کاروبار پر مرکزونو چاپې ووهلې او ګڼ دوکانونه یې وتړل. تر هغې وروسته په چوک یادګار کې د صرافانو زیاتره دوکانونه تړلي دي چې ورسره یې کاروبار خراب شوی دی. ویډیويي رپورټ.
جمعیت علمای اسلام (ف) د هغې چاودنې پرضد په بلوچستان کې کاربندیز کړی دی چې پکې د ګوند د یو مخکښ سیاستوال او پخواني سېنېټر حافظ حمد الله په ګډون ۱۱ تنه ژوبل شول. پښتونخوا ملي عوامي ګوند، د کوټې د کاروباریانو ټولنې او یوشمېر نورو ګوندونو د سېپټېمبر ۱۵مې کاربندیز ملاتړ کړی دی. ویډیويي رپورټ.
په پکتیا کې د مرکز ګردېز او زرمت ولسوالۍ ترمینځ د ۲۰ کېلومیټره سړک د جوړولو چارې پیل شوې دي. چارواکي وايي، د سړک جوړونې چارې به څلور میاشتې وخت ونیسي او په لومړي پړاو کې ورباندې ۱۰۰ مېلیونه افغانۍ لګېږي. ویډیويي رپورټ.
د پاکستان یو مهم پخوانی چارواکی احسان غني وايي، تحریک طالبان پاکستان (ټي ټي پي) ځکه پر چترال حمله وکړه چې هغه سیمه په ستراتیژیکه توګه خورا زیاته مهمه ده او ورسره د افغانستان او چین پولې لګېدلې دي او مرکزي اسیايي هېوادونو ته نېږدې پرته ده. مشال راډیو له نوموړي سره ویډیويي مرکه کړې ده.
په يورپ کې د لټانو مقابله
په کراچۍ کې ګرفتارو افغانانو د پاکستان او د طالبانو له حکومته غوښتي دي چې هغوی دې خوشې کړي چې خپل هېواد ته ستانه شي. دوی د سېپټېمبر پر ۱۳مه له مشال راډیو سره په خبرو کې وویل چې په تاڼو او زندان کې له مشکل سره مخامخ دي ځکه چې ډېری ګرفتار کسان ناروغه دي او د علاج لپاره پاکستان ته تللي ول.
د مجلې په دې ګڼه کې له خوږژبي شاعر وهمي اورکزي سره د هغوی په شاعرۍ غږېدلي یو. د نوموړي تازه شعري مجموعه په هم دې ورځو کې چاپ شوې چې د مخکتنې غونډه یې په پېښور کې وشوه. که تاسو هم د خپلو ادبي هلو ځلو په اړه له مشال راډیو سره خبرې کول غواړئ
د "خپلواک پښتونستان غورځنګ" په نوم د یو ناحکومتي تحریک مشرانو او غړو په پېښور کې د تورخم لارې تړل کېدو ضد مظاهره کړې ده. د سېپټېمبر ۱۳مې مظاهرې ویناوالو وویل چې د هغې لارې له تړلو سره د پاکستان او افغانستان پښتانه ځپل کېږي او ورته اقتصادي او مالي تاوان اوړي.
نور وښیئ
