پي ټي ای ويلي چې قریشي د دولتي رازونو د افشا کولو په مقدمه کې په ضمانت له خوشې کیدو وروسته نن (د ډېسېمبر پر ۲۷مه) د راولپېنډۍ د اډیاله زندان بهر ونیول شو.
های کورټ د ډېسېمبر پر۲۶مه، په لیکلي امر کې انتخاباتي کمېشن ته د تحریک انصاف د ګوندي تصدیقنامې او انتخاباتي نښې د بحالولو سپارښتنه کړې ده.
د پرلتوالو مشرې ماهرنګ بلوڅې د ډېسېمبر پر ۲۶مه مازیګر له چارواکو سره په خبرو کې تور پورې کړ چې پولیسو هم د هغو وسلوالو مرسته کړې او د احتجاجیانو پر غوښتنې سربېره یې د هغوی پرضد کاروايي نه ده کړې.
د بلوڅانو د یووالي یا یکجهتۍ کمېټۍ پر اېکس پاڼه د نوموړې د وینا یوه لنډه ویډیو او بیان خپور کړی دی چې پکې راغلي چې تر "پراخو هڅو وروسته ۱۶۰ بلوڅ احتجاجیان خوشې شوي" دي.
د غورځنګ يو مخکښ ادریس پشتين مشال راډيو ته وويل چې د ډېسېمبر پر ۲۳مه به په اسلام اباد کې د ترهګرۍ ضد يو عدالت د پشتين د قضیې اورېدنه کوله خو د جج ابوالحسنات محمد ذوالقرنین د نه موجودیت له امله وځنډېده.
کمېشن د ډېسېمبر پر۲۳مه په يوه خبرپاڼه کې وويل چې د ملک په بېلابېلو برخو کې په مبینه ډول د انتخاباتو کمېشن چارواکو د تحريک انصاف د ځينو نوماندانو له نوملیکنې انکار کړی چې د جمهوري اقدار خلاف کار دی.
بلوچ یکجهتي کمیټۍ ویلي دي چې په اسلام اباد کې د هغوی په ملګرو د پولیسو د تشدد او نیولو پر ضد د ډېسېمبر پر ۲۳مه په تربت کې بازارونه بند دي.
کمېشن د ډېسېمبر پر۲۲مه وویل چې د تحریک انصاف خپلمنځي ټاکنې (انټرا پارټي الېکشن) د قانون سره سمې نه وې نو ځکه ورته د بیټ نښه نه ورکوي.
د اسلام اباد پولیسو د خبریالانو مرکز مخې ته د لاریونوالو احتجاجي کیمپ ړنګ کړ او له هغه ځایه یې هم څو تنه ونیول. پوليسو ويلي چې مظاهرچیانو پر ۲۶م نمبر چونګۍ او داراز په ايوب څلور لاره کې "پولیس په کاڼو وویشتل" نو ځکه یې لسګونه کسان ونیول.
نور وښیئ
