د متحده قامي مومنټ د سيند اسمبلۍ دوو غړيو د کراچۍ پخواني ښاروال (ناظم) مصطفا کمال په نوي ګوند کې له شامیلېدو پس اېم کيو اېم پر پاکستاني اسټېبلشمنټ تور لګولی چې د دوی د ګوند ماتولو هڅې یې پېل کړې دي.
د متحده قامي مومنټ رابطه کمېټۍ په يو بيان کې ويلي چې د دوی د پارليمان غړیو سره سره په زندانونو کې بندي کارکنانو د وفادارۍ بدلولو هڅې یې روانې دي او هم دا رنګ له بېلا بېلو لارو د الطاف حسېن د مرګ خبرونه هم خپرول کېږي.
د مصطفا کمال او د هغه ملګرو د لګول شویو تورونو په اړه د سياسي چارو کارپوه او خبريال سليم سيټي مشال راډيو ته وویل،که څه هم دا تورونه نوي نه دي، خو دا وارې داسې خلک مخې ته راغلي چې په خپله د دې تحريک برخه پاتې شوي دي:
((خبرې ډېرې دي خو داسې ثبوتونه لا اوس هم نشته کوم چې عدالت کې منل کېدای شي))
د نوموړي په وینا چې اېم کيو اېم ته وړاندې هم دا واک ورکړل شوی وو چې د دې ښار سره څه کول غواړي نو و دې یې کړي او اوس ښکاري بيا چې په دوی څوک څه منل غواړي.
د ذکر ده چې د پنجشنبې/ زيارت په ورځ د کراچۍ پخواني ښاروال او د متحده قامي مومنټ پخواني غړي مصطفا کمال سره د دغه ګوند يو پخواني کارکن وسيم افتاب او يو د سند اسمبلۍ غړي افتخارعالم د ګډون اعلان کړی او دا دعوې هم کوي چې ډېر ژر به ورسره مهم کسان مله شي.
مطبوعاتي راپورونه دا هم وايي چې د دغه ګوند يو شمېر غړي له سياسي مېدانه ورک دي او زر به هغوی هم د مصطفا کمال د ملاتړ اعلان وکړي.
بل خوا متحده قامي مومنټ دا هر څه د اسټېبلشمنټ يوه هڅه بولي او وايي چې دا به کله هم کاميابې نشي.
