په کوټه کې د پولیسو د ترهګرۍ ضد څانګې (سي ټي ډي) په بیان کې ویلي دي چې د اګست پر اتمه یې د پښتون مېشته سیمې ژوب په مرغه کبزۍ کې عملیات کول چې پر مهال یې نښته وشوه چې پکې درې مشکوک وسلوال ووژل شول او د پولیسو دوه سرتېري ژوبل شول.
چارواکي وايي د پنجګور او کېچ ترمينځ سیمه کې د سړک غاړې بمي چاودنه کې د يو قومي مشر په ګډون د ۷ کسانو تر وژل کېدو وروسته یې پلټنې پيل کړې دي.
د کوټې په ګډون د بلوچستان په ۳۵ ضلعو کې د اګست له لومړۍ نېټې راهیسې د پولیو یا ګوزڼ اووه ورځنی واکسیني کیمپېن روان دی چې پکې د چارواکو په خبره، تر پینځو کلونو پورې عمر لرونکي ۲۵ لکه ماشومانو ته د ناروغۍ ضد څاڅکي ورکول کېږي.
د بيوټمز پوهنتون د مسلم باغ څانګې مشر محمد علي کاکړ د دې فنډ پر منظورۍ خوښي وښودله او دا یې د سیمې د تعلیم لپاره مهم ګام وباله.
د جولای ۳۰مې جلسې ته د پي ټي اېم د مشر منظور پښتین، په قامي اسمبلۍ کې د جنوبي وزیرستان استازي علي وزیر په ګډون یوشمېر مخکښه مشرانو ویناګانې وکړې او د سیمې ګڼ اوسېدونکي، فعالان او د پي ټي اېم پلویان ورغلي ول.
د پښتون ژغورنې غورځنګ مشر منظور پښتين، د جنوبي وزیرستان پارلماني استازی او د غورځنګ مخکښ علي وزیر او نور ګڼ کسان په جلسه کې د ګډون لپاره هلته تللي دي.
د طبعي ناورینونو پر وړاندې د مبارزې ادارې (پي ډي ایم اې) ویاند مقبول جعفر د جولای پر ۲۹مه مشال راډیو ته وویل چې له د جون له ۱۹مې تر ۲۹مې د شویو بارانونو له وجې په بلوچستان کې لږ تر لږه ۱۰ تنه مړه،۱۳ ژوبل او ۲۲۳ کورنو ته لږ یا ډېر تاوان رسېدلی.
د قدرتي افتونو د نظم ادارې (پي ډي اېم ای) د جولای پر ۲۸مه وویل چې د سکهرـ کوټې ترمینځ غځېدلي سړک یوه برخه د بلوچستان په سبي (سیوۍ) کې سیلابي اوبو وړې چې له امله یې د سیند او بلوچستان ترمینځ ځمکني اړیکه پرې شوې ده.
د وفاق په مرسته په بلوچستان کې د ۱۰۰ ډېمونو پروژې مشر ابراهیم مینګل وايي، دوی هڅه کوي چې د صوبې په هره ضلع کې تر ټولو مناسبه سیمه کې ډېمونه جوړ کړي.
د چمن د لېویز ځواک رسالدار مېجر جهانګیر خان مشال راډیو ته وویل چې سرتېری سمیع الله له خپلو نورو ملګرو سره د یو کس د ګرفتارۍ لپاره د هغه کور مخې ته ولاړ وو چې وسلوالو ورباندې ډزې وکړې. دی زیاتوي، له لومړنیو پلټنو ښکاري چې هغه "یو ترهګر برید" وو.
په ژوب کې د غورځنګ یو مشر اسد قرار کاکړ د جولای پر ۲۳مه تر مظاهرې وروسته له مشال راډیو سره په خبرو کې دعوه وکړه چې د استخباراتي ادارو کسانو خان عالم چې د ننګیال پښتین په نوم پېژندل کېږي او شعېب خان سالار دوه ورځې مخکې نیولي ول او ورباندې یې تشدد کړی دی
نور وښیئ
هېڅ میډیايي سرچینه اوس نشته
