د بلوچستان حکومت تېره میاشت په نوشکي د نهو مسافرو په ګډون د ۱۱ کسانو تر وژنې وروسته امنیتي پلان ته بیاکتنه وکړه او پر لویو لارو یې د مسافرو خوندیتوب لپاره د ګاډو ډرېورانو ته نوې لارښوونې وکړې.
د کلا سیف الله اوسېدونکي یو کان کیندونکي قایم شیخ د مې پر لومړۍ مشال راډیو ته وویل چې ټولې شپې یې په داسې غرنۍ سیمه کې تېرې کړې دي چې پکې انسانان نه تر سترګو کېدل. دی وايي، تښتوونکو ورسره ښه چلند کاوه او هېڅکله یې ورباندې تشدد نه دی کړی.
دا په داسې حال کې ده چې د اپرېل پر ۲۲مه مه په کوټه کې یو ځايي مجسټریت د محمود خان اڅکزي ناقابل ضمانت ګرفتارۍ وارنټ (اجازتنامه) ورکړ او د هغه د نیولو امر یې وکړ.
په دوکۍ کې د سکرو د کان حکومتي څارونکي محمد صدیق مشال راډيو ته وويل چې د اپرېل پر ۲۴مه په کان کې د زهرجن ګيس خپرېدو له امله درې کسان وژل شوي چې پکې د افغانستان اوسېدونکي زوی او پلار هم دي.
د اپریل پر ۱۹مه، په ګورنر هاوس کې د بلوچستان ګورنر ملک عبدالولي کاکړ د صوبايي کابینې د ۱۴ غړیو څخه سوګند واخیسته. په کابینه کې یوه میرمنه، ۳ پښتانه او ۱۱ بلوڅ وزیران شامل دي.
صوبايي حکومت د اپرېل پر ۱۴مه رسنيو ته په استولي بیان کې ويلي چې د اعلا وزیر سرفراز بګټی په مشرۍ کې د لوړو پوړو ولسي او پوځي چارواکو په دې غونډه کې د نوشکي د پېښې جاج واخیستل شو.
د نوشکي د پوليسو مشر الاهي بخش د اپرېل پر ۱۳ مه مشال راډيو ته وويل چې دا پېښې د اپرېل د ۱۲مې او ۱۳مې په منځنۍ شپه رامينځته شوې دي.
د روغتیايي کارکوونکو د اتحاديې مشر جمال شاه کاکړ د اپرېل پر اتمه مشال راډیو ته وويل چې باید حکومت د شخصي کولو پر ځای د روغتونو بودیجه زیاته کړي.
په بلوچستان کې دا وخت پاکستان پیپلز ګوند، پاکستان مسلم لیګ (ن)، بلوچستان عوامي پارټۍ او عوامي نېشنل ګوند په حکومت کې شریک دي. تر دې وړاندې هغه حکومتونه زياتره وخت د خپل واک تر مودې بشپړه کېدو وړاندې مات شوي چې بېلا بېلو ګوندونو په شريکه جوړ کړي ول.
نور وښیئ
هېڅ میډیايي سرچینه اوس نشته
