د پښتنو نجونو او ښځو د ستونزو په اړه د ځانګړې خپرونې "نوې نړۍ" په دې برخه کې پر دې بحث شوی چې له پښتنو کونډو سره په ټولنه او کورنیو کې څه ډول چلند کېږي او پښتنې کونډې له کومو ستونزو سره مخامخېږي؟
په ملاکنډ کې د ټولنیزو چارو پوه او لیکوال امجد شهزاد له تېرو څو کلونو راهیسې د وسلو د نمایش او د ماشومانو د لوبو د ټوپکو او تفنګچو پر ضد کیمپېن کوي. نوموړی وايي، له یو لوري د ناامنۍ پېښې کېږي او له بل پلوه په ټولنه کې د وسلو په ساتلو کې بې احتیاطۍ تشدد زیات کړی دی.
په خیبر پښتونخوا کې د جمعیت علمای اسلام (ف) د اطلاعاتو سېکرټر مولانا عبدالجلیل جان د نومبر پر پینځمه مشال راډیو ته وویل چې دوی لا له وړاندې د امنیت په اړه خپلې اندېښنې له نګران حکومت سره شریکې کړې دي.
په افغانستان کې د شمالي وزیرستان کډوال وايي چې پر څه باندې نهه کلونو تېرېدو سربېره یې حکومت لا هم خپلو کلیو ته نه ستنوي. هغه خلک په ۲۰۱۴ز کال کې په شمالي وزیرستان کې د پوځي عملیاتو پر مهال افغانستان ته کډه شوي ول چې څه باندې ۹،۰۰۰ کورنۍ یې لا هم په خوست او پکتیکا کې مېشتې دي. نور په رپورټ کې.
د نومبر پر لومړۍ نېټه د پاکستان چارواکو له هېواده د بې اسناده افغانانو د ایستلو بهیر پیل کړ او په همدې حال کې په بلوچستان او سیند کې سلګونه افغانان نیول شوي دي او د خیبر پښتونخوا چارواکو ګڼې کورنۍ د تورخم له لارې هېواد ته لېږدولې دي.
د پاکستان حکومت د اکتوبر پر درېيمه په هغه هېواد کې مېشت ټولو اسناد نه لرونکو بهرنیانو، چې لوی اکثریت یې افغانان دي، ته امر وکړ چې د میاشتې تر پای پورې دې په خپله خوښه ووځي، که نه تر هغې وروسته به قانون پلي کوونکي ادارې بې اسناده بهرنیان په زوره باسي او جايدادونه او کاروبارونه به يې ضبطوي.
د دې اوونۍ "د مشال تر رڼا لاندې" کې د پاکستان مسلم ليګ (نواز) رهبر نواز شريف هېواد ته د ستنېدو تر شا لاملونه بحث شوي دي.
د خیبر پښتونخوا د کرنې ادارې د باجوړ، مومندو، خیبر او تورغر ضلعو په هغو مرکزونو کې د کروندګرو روزنه پیل شوې چې د امریکا او ملګرو ملتونو په مالي لګښت جوړ شوي دي. تفصیل په دې رپورټ کې.
په داسې حال کې چې د پاکستان پارلېمان په ايين کې د ۲۵م بدلون په منظورولو سره پخوانۍ قبایلي سیمې د خیبر پښتونخوا برخه ګرځولي او هلته یې د هېواد اساسي قانون غځولی دی، په شمالي وزیرستان کې د اتمانزيو جرګې د قبايلي دود له مخې پر ځينو کسانو جرمانې لګولي او د ځينو د کورونو ړنګولو پرېکړه یې کړې ده.
ثنا الله بلوڅ وویل چې مذهبي سختدریځي یوازې د خلکو ژوند ته نه بلکې په مجموعي توګه د هر ډول پرمختګ مخې ته خنډ دروي او ګواښي یې. د پاکستانیو حکومتي او امنیتي چارواکو دا تور رد کړی چې ګواکې دولت یا ریاست د سختدریځۍ په خپرولو کې لاس لري.
د اکتوبر میاشت په نړۍ کې د ښځو د سینې سرطان په اړه د پوهاوي خپرولو ته ځانګړې کېږي. په پاکستان کې هم ډاکتران په دې میاشت کې د پوهاوي غونډې کوي. د پېښور د رحمان میډیکل انسټیټیوټ له ارقامو سره سم، په پاکستان کې هر کال ۱۰۰،۰۰۰ ښځې د سینې سرطان ښکار کېږي.
پاکستان به خپله لومړۍ لوبه د اکتوبر پر شپږمه له نېدرلېنډ سره کوي او افغانستان به د اکتوبر پر اوومه د خپلې لومړۍ لوبې لپاره د بنګله دېش په وړاندې میدان ته وځي.
نور وښیئ
هېڅ میډیايي سرچینه اوس نشته
